مشهد من كتاب تاكسي..لخالد الخميسي

التعليم لكل الناس ده يا استاذ كان حلم جميل
زي أحلام كتير راحت و مفضلش منها
غير الشكل و المنظر
علي الورق
التعليم كالماء و الهواء
اجباري لكل الناس
لكن في الحقيقه
الاغنياء بيتعلموا و يشتغلوا و يكسبوا
والفقرا ما بيتعلموش حاجه
و ما بيشتغلوش حاجه
و ما بيكسبوش حاجه
***********
سواق تاكسي
-------------------
معلومه للأسف أعلم انها صحيحه تماما

مشاهد

السفينة دي احنا كلنا فيها راكبين
ولو غرقت...هتغرق بيكم و بينا
ولو فاكرين لما تغرق...هتسيبوها و ماشيين
تبقوا مش فاهمين
ومش طايلين لا دنيا و لا دين
مش مصدقين؟
طب شوفوا اللي حصل في السفينة اللي جنبينا
مش فاكرين؟
ده مبقالوش يومين
اه ياولاد اللذينا
مصر ياما..... يا سفينة
----------------
Utopian
********************************
********************************
اصحي يا ايامنا....سكتنا قدامنا
مش كل احلامنا....لازم نكون نايمين
طب امتي تتباهي....اراضيها و سماها
ان احنا اولادها....ولا احنا نطلع مين
سايبين زماننا يفوت....متعلقين بخيوط
طب ليه نعيش في سكات...و لغيرنا يطلع صوت
-----------------
أغنيه ل ايمان البحر درويش
*******************************
*******************************
لا ملام ان تكون حريصا علي الحياه
ولكن الملام ان تكون احرص الناس عليها
...العقاد

عندما يغدو الانسان حيوانا يصبح حينئذ اكثر من حيوان
...منقول

لو مات ضمير الانسان فقد مات ألذ ما فيه
...منقول

التغير هو الشيء الخالد الوحيد
...فرويد

لا يعوقك عن صعود الجبل ارتفاعه
بل حصاة صغيره في حذائك
...منقول

قبل ان تصدر الحكم علي الاخرين
احكم علي نفسك
...تولستوي

لو مت هذا العام
فان الموت سيتجنبك العام القادم
...ألبير كامي

الاسبا ب الصغيره لها دائما نتائج كبيره
ففقدان المسمار..أضاع حدوة الحصان
و فقدان الحدوه..أضاع الحصان
و فقدان الحصان..أضاع الفارس
...منقول

هاله.. مش هتقدري تغمضي عنيكي

عرفتوا فضيحة هاله سرحان ولا لسه؟؟

اللي ميعرفش لازم يعرف

واللي ما يشتري يتفرج

أقترح ان الشعب هو اللي لازم يحكم عليها بأه

و انا بقترح اننا نحكم عليها بالموت بالتفافه في ميدان عام

بالدور يا اخواننا الله يكرمكم..كله هيتف

وانا هتبرع بأول تفه
online
هاله...اتفووووووو
اتفضلوا يا جماعه
help yourself

بس في عنيها والنبي
عشان متقدرش تغمض عنيها
*******************
Utopian

يلا ننضف مصر

طول ما ندي ضهرنا للترعه...حملة مقاومة البلهارسيا
السياحه خير لينا كلنا...حملة تشجيع السياحه
اسأل و استشير...حملة تحديد النسل
يلا نشجع مصر...حملة تشجيع المنتخب في كاس افريقيا
ده حتي مولتو عملوله حمله...صبرتوا و مولتو

طب ليه منعملش احنا حمله لتنضيف البلد
ممكن نسميها
يلا ننضف مصر
لحسن بلدنا بجد شكلها بقي صعب أوي
وماله بجد
و اللي يقتنع ينشر الفكره دي في البلوج بتاعه
لحد ما الموضوع يوصل لاكبر عدد ممكن من الناس
و منه للفضائيات ووسائل الاعلام
لحد ما المسؤلين و الناس اللي معاهم فلوس
يحسوا علي دمهم شويه
و يعملوا حاجه
متفائل حبتين
مش كده؟؟
يعني بزمتكم
موبينيل و فودافون
مش لو عملوا اماكن لرمي الزباله في كل الشوارع
يبقي احسن و انفع ليهم و للناس
اهي منها اعلانات و منها نضافه
ولا يعني الناس تستفيد
و محدش يفكر يفيد
يلا ننضف مصر
مممممم
واللهي مش بطال
مش يمكن لو البلد نضفت
الناس نفسها تتفتح
و ترجع تحب البلد تاني
عمرك شفت واحد اسكندراني مش فخور انه اسكندراني؟
طب عمرك شفت واحد مصري مش بيحب اسكندريه؟
اصل البلد حلوه اوي..ونضيفه اوي
يلا همتكم معايا بأه
عايزين كام بوسترللحمله
و كام شعار فرعي كمان
واحد لكل بوستر
ممكن نقول عنوان البوست اللي فات
لينا حجه في الفقر..بس ملناش حجه في النضافه
وممكن كمان
ليه ترمي الزباله في الشارع..لماممكن مترميهاش في الشارع
:)
مش عارف انا جبت التفاؤل ده منين
وانا بكتب البوست
الملاك اللي علي كتفي اليمين
عمال يصقفلي
ويقوللي ميه ميه
بس الشيطان اللي علي كتفي الشمال
عمال يقوللي امسح الهبل اللي انت كاتبه ده
الناس هتتريق عليك
بس مش همسح البوست
يا مسهل
******************
Utopian

احنا لينا حجه في الفقر...بس ملناش حجه في النضافه

سايق العربيه علي كورنيش المعادي..
اللي هو تقريبا انضف حته في الكورنيش
قدامي عربيه لا يقل ثمنها عن 120 ألف جنيه
يعني اللي سايقها ابن ناس بالمفهوم المصري
مره واحده لقيت الشباك اتفتح و كان بيبسي اترمت
وخبطت في شبكة العربيه عندي
!!!!!!!
----------------------
واقف في اشاره
واقفه جنبي عربيه نص نقل
خخخخخخخخخخخخخخ....اتفووووو
يععععععععععععععععععععع
حاجه تقرف فعلا
---------------------
الطريق واقف
واختي راكبه جنبي
وقفت جنبي عربيه
من بتاعة زمانseat
الراجل بيقزقز لب هو و العائله الكريمه
و كويس ان اختي كانت قافله القزاز
---------------------
راكب ميكروباص
قعدت في اخر كنبه علي الشمال
و فجأه دخل شوية ستات بلدي حبتين
و انا خلاص اتزنقت للأسف
اول ما العربيه طلعت
الاستافندي (اليوسفي يعني) طلع
وقالتلي افتح القزاز اللي جنبك
بصراحه كنت فاكرها عايزه شوية هوا
بس طلعت طيب اوي
بس عشان مبقاش ناكر للجميل
الست اللي جنبي اصرت
اني لازم اخد واحده
**************************

شوارعنا مش نضيفه خالص يا جماعه
عارف ان (مش نضيفه دي كلمه غير مناسبه اصلا) .
اصلي ابن ناس الافرانكا بأه معلش
وزي ما اتعمدت في الامثله اللي فوق اني اوضح ان
الموضوع مش مرتبط بمستوي معين
الموضوع موضوع سلوكيات

الناس خايفه علي عربياتها و بيوتها و هدومها
لكن الشارع ..وايه يعني

واعتقد بأه ان الموضوع ده بالذات
ملوش دعوه بالفقر و لا بالحكومه
دي سلوكيات

و علي رأي مصطفي صديقي

احنا لينا حجه في الفقر..بس ملناش حجه في النضافه
-------------------------------
انا شايف ان الموضوع ده فعلا مهم جدا
وانا شايف ان القاهره هي اقل محافظات مصر نظافه
طبعا قصدي القاهره الكبري
مع انها واجهة مصر كلها
معادله غريبه جدا!!

نفسي كل اللي يقرا الموضوع ده
يعمل حاجه ايجابيه
احنا بنتبادل الاراء و بنتواصل
في حاجات كتير
وده مهم جدا
وفيه مدونات كتير واخده سكة التوعيه السياسيه
وناجحه الي حد كبير
بس التوعيه السلوكيه كمان مهمه جدا
والاصلاح فيها مش محتاج انتخابات
و محدش هيقلق ليتقفش!!

*******************************
Utopian

حاجه مش عن مصر

أول مرة قابلتك فيها

كنت شايفك بنت جميلة

بتحلم.....حلم بضفيرة

كنت شايفك أحلي ملاك

وعدتيني.....وسبتيني أحلم

قلتلك لسه صغير

قلتيلي أنت في عيني كبير

قلتلك لسة مفيش

قلتيلي ناكلها بدقة

و نعيش في عشة ويا العصافير

افتكرتك حاجة كبيرة ... و انتي اللي بدور عليها

بس طلعتي صغيرة في كلامك

زي ما انتي صغيرة في أحلامك

بسهولة وعدتي

وعند أول زنقة خلعتي

مش قادر أقول خاينه

لاني عارف انك مش كدة

مش قادر أقول خدعتيني

لاني عارف انك مكنتيش ناويه كدة

بس اللي أقدر أقولة انك....عيلة

أيوة كدة و أبو كدة

*********************
Utopian