Sunday, February 18, 2007

مشاهد

السفينة دي احنا كلنا فيها راكبين
ولو غرقت...هتغرق بيكم و بينا
ولو فاكرين لما تغرق...هتسيبوها و ماشيين
تبقوا مش فاهمين
ومش طايلين لا دنيا و لا دين
مش مصدقين؟
طب شوفوا اللي حصل في السفينة اللي جنبينا
مش فاكرين؟
ده مبقالوش يومين
اه ياولاد اللذينا
مصر ياما..... يا سفينة
----------------
Utopian
********************************
********************************

اصحي يا ايامنا....سكتنا قدامنا
مش كل احلامنا....لازم نكون نايمين
طب امتي تتباهي....اراضيها و سماها
ان احنا اولادها....ولا احنا نطلع مين
سايبين زماننا يفوت....متعلقين بخيوط
طب ليه نعيش في سكات...و لغيرنا يطلع صوت
-----------------
أغنيه ل ايمان البحر درويش
*******************************

*******************************
لا ملام ان تكون حريصا علي الحياه
ولكن الملام ان تكون احرص الناس عليها
...العقاد

عندما يغدو الانسان حيوانا يصبح حينئذ اكثر من حيوان
...منقول

لو مات ضمير الانسان فقد مات ألذ ما فيه
...منقول

التغير هو الشيء الخالد الوحيد
...فرويد

لا يعوقك عن صعود الجبل ارتفاعه
بل حصاة صغيره في حذائك
...منقول

قبل ان تصدر الحكم علي الاخرين
احكم علي نفسك
...تولستوي

لو مت هذا العام
فان الموت سيتجنبك العام القادم
...ألبير كامي

الاسبا ب الصغيره لها دائما نتائج كبيره
ففقدان المسمار..أضاع حدوة الحصان
و فقدان الحدوه..أضاع الحصان
و فقدان الحصان..أضاع الفارس
...منقول

29 Comments:

  • At Sunday, February 18, 2007 10:44:00 PM, Blogger amira said…

    مهم قوي الكلام ده
    كويس انك فكرتني
    فعلا كنت محتاجة أفتكر
    ميرسي بجد يا عمرو

     
  • At Sunday, February 18, 2007 10:47:00 PM, Blogger amira said…

    بوست السفينة اللي انت كاتبه
    عاجبني قوي
    لكن مش شايف ان فيه قسوة الناس مش مستحملاها؟؟؟
    بس من ناحية تانية
    وصلتلي الصورة صح جدا

     
  • At Sunday, February 18, 2007 10:52:00 PM, Blogger amira said…

    أكشن تالت مرة
    sorry
    نسيت أقول ان البوست كله له علاقة ببعضه جدا وأنا عارفة انك قاصد ده
    بس السؤال
    البيضة الأول ولا الفرخة؟
    يعني السفينة لو غرقت
    هنفتكر المنقولات ونتحسر
    ولا ممكن لو عملنا باللي فيها ننقذ ما يمكن انقاذه؟

     
  • At Monday, February 19, 2007 12:12:00 AM, Blogger ibn nasser - ابن ناصر said…

    الطريق الي الغرق (علي فكره كل واحد ممكن يشوف كلامك بوجهة نظؤ مختلفه ) أنا شايف انك عملت زي النذار اللي بيزمر قبل غرق السفينه لأن احنا دلوقتي لو فضلنا كده في الطريق الي الغرق علي شعب كسلان أخلاقه في طريقها الي الانحدار ومتستر علي الفساد مابيعملش حاجه والعديد من الناس ضميرهم ما رحش زي مافرويد بيقول بل ماعندهومش ضمير - وحزب يتجه الي الهاويه بس فين الحل !!!انا مش عارف انت عارف

     
  • At Monday, February 19, 2007 12:13:00 AM, Blogger Utopian said…

    amira

    ممكن يكون فيه قسوه
    بس انا شايف ان وقت الطبطبه خلص خلاص
    و مينفعش غير الحقيقه المجرده
    مع ان لحد قريب اوي كنت بحب
    اخفف من وطأة كل حاجه
    --------------------
    هي مشاهد مترابطه الي حد كبير طبعا
    و مبسوط ان الفكره وصلتك كويس

    مش عارف يا اميره
    بس انا شايف انه مش وقت بيضه و لا فرخه
    المهم ان فيه بيض و فراخ
    اكيد ممكن
    ولازم نعمل حاجه
    و نخلي الناس تعمل حاجه
    و النتايج بأه في علم الغيب
    بس صدقيني
    أضعف الايمان
    هنلاقي حجه عند ربنا
    و نقول عملنا حاجه يا رب
    والموضوع مش محتاج حسابات و تفكير كتير
    كله يبدأ بنفسه
    و يحاول واحده واحده يوسع دايرته
    لحد ما الدواير تتقابل مع بعض

    كلام مثالي أوي
    :)
    اسمي
    Utopian
    عادي يعني

    -----------
    سوري ايه بس
    مبسوط بجد بمعرفتك اولا
    و بمتابعتك ثانيا

    خلاص انا حاجزلك في اول صف علي طول

    سلااااام

     
  • At Monday, February 19, 2007 12:30:00 AM, Blogger Utopian said…

    ابن ناصر

    الحاله دلوقتي

    انعدام طموح
    قلة ايمان
    قلة ضمير
    فقدان الشعور بالانتماء
    حب الذات
    الخوف من الاخر
    الخوف من بكره
    محدش عارف عايش ليه
    !!!!!!!!!!!!!!!

    بالاضافه للشكوي المستمره من كل شيء

    أكيد معنديش حل سحري
    بس اللي شايفه
    لازم نبطل شكوي بأه
    و نحاول نلاقي هدف و معني لحياتنا
    و نشتغل بجد

     
  • At Monday, February 19, 2007 12:39:00 AM, Blogger amira said…

    عندك حق طبعا
    أنا ضيّعت سنين من عمري أدور في موضوع البيضة ولا الفرخة ده
    !!!!!!
    بس أنا والله نفسي أفهم
    الكويسين كتير
    أُمال فيه ايه؟؟؟
    يعني موضوع يلا ننضف مصر بتاعك وكمية الناس اللي علقوا عندك حسستني ان اللي بيرمو الزبالة في الشارع دول كائنات فضائية
    يعني كل واحد فيهم له أهله وأصحابه اللي ممكن يكون عندهم نفس الوعي اللي عنده أو على الأقل ينقلهم وعيه
    مش عارفة
    بس حاسة بعد العمر اللي عدّى ان كل الحاجات مزيفة وكل الشعارات واهية وكل الزعماء مدّعين وبيدوروا على الشهرة والفلوس
    مافيش حاجة لوجه الله والوطن
    ...
    معهلش يا عمرو بس أصل فيه حاجة غريبة حاصلة وأنا قاعدة باضرب كف بكف
    المية مقطوعة في حي المعادي بقالها تقريبا يومين علشان فيه ماسورة اتكسرت وبيغيروها
    تخيل ؟؟؟
    يومين بيغيرو ماسورة في دولة عندها سنويا أكتر من عشر مهرجانات فنية مابين السينيما والمسرح والمزيكا والبينالي والترينالي وووووو
    المية مقطوعة من البيت وأنا شايفة النيل قدامي على بعد أقل من كيلومتر واحد
    لولا اني مابحبش نظرية المؤامرة كنت قلتلك عايزين يمرروا قانون جديد ومش عايزين قلق
    بس والله تصدق جايز؟؟
    خلاص مش ها علق تاني أنا سحبت كهربا كتير
    هابقى أقرا التعليقات
    وها سكت خااااااالص

     
  • At Monday, February 19, 2007 12:41:00 AM, Blogger amira said…

    على فكرة
    اللي فات ده مش شكوى
    ده تقرير اخباري
    ....
    شششششششششش

     
  • At Monday, February 19, 2007 2:32:00 AM, Blogger Pragmatic said…

    الحقيقة المجردة ؟؟
    بتفكرني بواحد اعرفه
    ياله بقي دنيا

     
  • At Monday, February 19, 2007 9:09:00 AM, Blogger Utopian said…

    amira

    اصعب شعور ان الواحد يحس انه بقي عايش موظف

    موظف في كل حاجه مش الشغل بس
    موظف في بيته
    و مع أهله
    و اصحابه

    كل واحد بيعمل أي حاجه طول اليوم
    عشان اليوم يعدي و خلاص
    و يروح ينام
    !!!!!
    احنا بنعلم العيال الصغيرين في الحضانه ازاي يبقوا موظفين
    !!!
    ------------------
    اسحبي كهربا براحتك يا اميره
    يعني هو يبقي ميه و كهربا

    المعادي كلها ناس مهمين..غريبه اوي

    ما علينا..مسيرها تيجي

    نهارك زي الفل

     
  • At Monday, February 19, 2007 9:10:00 AM, Blogger Utopian said…

    pragmatic

    كنت عارف انك هتظيط في الموضوع ده
    ههههههههههه

    بس متفرحش اوي يعني

    من عاشر القوم بأه

     
  • At Monday, February 19, 2007 1:02:00 PM, Blogger Sampateek said…

    طب ليه نعيش في سكات...و لغيرنا يطلع صوت


    تساؤل له مغزى

    صحيح بجد ليه؟!!

    تحياتي

     
  • At Monday, February 19, 2007 3:45:00 PM, Blogger Utopian said…

    كلبوزه

    شكلنا اتعودنا علي كده
    !!!

     
  • At Monday, February 19, 2007 5:17:00 PM, Blogger أنـــا حـــــــــرة said…

    مصر ياما يا سفينه

    اه يانا
    تفتكر اننا عندنا دوار بحر علشان كده تعبانيين ؟
    و هل ده ليه علاقة بسفينة نوح
    اللى هيركبها صح هينجو و اللى هيركبه شيطانه هيشيله الطوفان ؟

    ___________________

    فرويد عبقرى طبعا
    الشئ الخالد الوحيد هو التغيير
    دى نعمة ؟
    ربما
    بس بما انى ملولة و بحب استكشف و افهم
    فالتغيير معايا صحى جدا و بيكون نقلة لقدام غالبا

    _____________________

    مش كل احلامنا....لازم نكون نايمين

    ياااااااااااااه
    الجمله دى عبقرية
    فى جملة برضه بحبها لوجيه عزيز
    فى اغنية فنان فقير

    لما بنام بحلم و بعيش
    لما بفوق ما بفوقش بموت


    __________________________

    كالعاده بوست ما تلاقيهوش عند حد غير هنا

     
  • At Monday, February 19, 2007 11:14:00 PM, Blogger Ma-3lina said…

    the topic is shocking , nd the first poem u wrote is really amazing nd symbolic

    maybe like all the previous people said it's tough but i think that's how it should be now coz no one tries to change anything , they accepted the reality nd adapt with it's ugliness

    what happened to the yala nendef masr campaign ??

     
  • At Monday, February 19, 2007 11:57:00 PM, Blogger Utopian said…

    ياسمين

    احنا تعبانين عشان احنا في البحر
    و كل واحد فينا بيقدف في حته
    يبقي المحصله ان احنا بنلف حوالين نفسنا
    --------
    التغيير جميل لما يكون لقدام
    بس مش دايما ده اللي بيحصل
    و في تغييرات كتير بتحصل غصب عن الواحد
    --------

    نورتيني كالعاده

     
  • At Tuesday, February 20, 2007 12:02:00 AM, Blogger Utopian said…

    ma-3alina

    Shocking may be
    but we all know that reality is much more shocking
    so why hiding?!
    u got the keyword...Adaptation

    we just adapt to everything bad until it becomes a part of our daily life..
    -------------
    I'm glad u asked about the campaign coz nobody asked about it..
    I hoped to have more contribution than just encouragement..but anyway, as i said we need logos and i asked a friend of mine to draw few ones..i told him so,e ideas and i hope he finishes soon isa..
    i'll be glad if u have any idea to share..

     
  • At Tuesday, February 20, 2007 3:29:00 AM, Blogger أخف دم said…

    يابنى انت بتجيب الكلام ده منين ؟
    بتنقى كلام جامد جدا بجد .. ولا كلام أشرف توفيق فى زمانه..
    أنا عايزك بجد كل بوست تحط تحته كلمة من دول زى ما يكون حكمة البوست مثلا .. بيت شعر أو حاجة حلوة من دى..
    ربنا يوفقك .. ونستمتع بالكلام الجميل ده منك..

     
  • At Tuesday, February 20, 2007 9:21:00 AM, Blogger Utopian said…

    اشرف باشا توفيق

    بس كده
    ده انت تؤمرني معاليك

    :)

     
  • At Tuesday, February 20, 2007 7:10:00 PM, Blogger Noran said…

    حلوة الحكم و الأقوايل ده

    لو مات ضمير الانسان فقد مات ألذ ما فيه

    و أنا أقول البشر بقوا وحشين ليه ؟!؟



    مشاهد جميله...كويس أنك فتحت عينك وشاهدت ...غيرك لسه مغمض
    ;)

     
  • At Tuesday, February 20, 2007 8:26:00 PM, Blogger Utopian said…

    noran

    يا ريت الناس تفتح بأه
    عشان كده كتير فعلا

    تحياتي

     
  • At Wednesday, February 21, 2007 12:54:00 AM, Blogger O2A said…

    This comment has been removed by the author.

     
  • At Wednesday, February 21, 2007 12:57:00 AM, Blogger O2A said…

    ياأخى مش عرف ليه لما لقيت الصورة اللى انت حاططها حسيت انها جت على الوجيعة؛ فعلاً ساعات بحس ان انا نفسى امسك اجمد حيطة واخبط دماغى فيها من كتر اللى بشوفه و باسمعه عن بلدى مصر .
    المدونة جيدة جداً واسمح اعلق على اخرتدوينة: انا عندى اعتقاد ان المركب لو غرقت هيكونوا هربوا منها قبل ماتغرق بزمان...!!!!. ومش عارف ليه ياأخى عندى احساس اهم بيرتبوا على كدة دلوقتى و بالذات لما بشوف الصروح الصناعية والاقتصادية بتتباع برخص التراب؛ طب ماهم لو كانو حرامية كانوا هيبيعوها باغلى سعر لأنه داخل جيبهم برضه بس اللى بيحصل ده عامل زى اللى الاعلان اللى فى الإعلانات المبوبة ؛الإعلان بتاع البيع "لدواعى السفر" وربنا يستر لأن الطوفان جاى جاى

     
  • At Wednesday, February 21, 2007 7:54:00 AM, Blogger Utopian said…

    o2a

    اشكر لك زيارتك الاولي

    واللهي هي ملحزظه في محلها جدا
    بس مهما عملوا
    هيتجابوا
    ولا نسيت اللي حصل في العراق

    تحياتي

     
  • At Friday, February 23, 2007 3:22:00 PM, Blogger Poussycatmiu said…

    Salam alikom
    ميرسي اوي انك فهمتني :)

    بس انا بحس ان مصر مش سفينة..لاننا مش ركاب و هية هتعدينا و تمشي ..
    ولو اتعاملنا معاها بمنطق العبارة او السفينة..يبقي بلاش نكرر مآسينا..و لاننا فيها يبقي لازم نكون قدها..احنا ياما شوفنا و جربنا..وقعنا و قمنا و هنركب تاني..و هنوصل بيها لبر الامان ..
    لو سيبناهم يغرقوها ..يبقي احنا نستاهل اننا نغرق معاها


    "" نبقي ان نقول ان مباركة ذوي النفوذ للحرامية الكبار سبب اخر لجعلهم يبرطعون في البلد كما ارادوا, و اقول لكم معلومة ظريفة ضحكت عندما عرفتها, احد المتورطين في شركة النصر للمسبوكات و هو ( أسامة عبد الوهاب) احد رئيسي مجلس الادارة تم تكريمه من قبل الرئيس مبارك عام 98 و نال وسام الاستحقاق من الدرجة الاولي"". من كتاب ليك شوق في حاجة ل محمد فتحي عن دار ليلي للنشر
    ==================================

    مش عارفة ليه بحس ان " بقلبي بكي ..و بعيوني حكي ..و لا عم بشتكي ..و لا في جافيك" بتفكرني بمصر


    بس خلاص كدة
    و السلام

     
  • At Friday, February 23, 2007 3:53:00 PM, Blogger Poussycatmiu said…

    Salam Alikom

    As we talk ,,just wanna share this

    يا حبيبتي يا ام الدنيا يا اغلي الاوطان
    مين دا اللي يقدر يوصل بيكي لبر آمان
    و يعدي بيكي علي بكرة غير الشجعان

    في لحظة من عمر الاوطان
    محتاجة سفينتها لربان
    يا مصر يا اول انسان
    عرف البطولة و خالدها

    اودمنا لسة عبور تاني
    احلام كتيرة و عجباني
    دي بلدنا مش عايزة اماني
    عايزة كفاح من اولادها

    محمد منير

    و السلام,

     
  • At Friday, February 23, 2007 11:30:00 PM, Blogger Utopian said…

    poussy..

    انتي قاريتي كتاب محمد فتحي؟
    اصلي كنت لسه بقراه النهارده

    جبته من المعرض
    بس بدأت قرايه فيه اليومين دول
    جامد
    بس في حاجات كتير قريتهاله علي البلوج
    بتاعه قبل ما تتنشر

    thx 4 the song:)

     
  • At Friday, February 23, 2007 11:39:00 PM, Blogger Poussycatmiu said…

    Salam Alikom Utopian

    aiwa ya 3mr,, ana gibtoh mn elm3rad ;) and i read it twice,, and i'm on my way to complete the 3rd round,, such books should be read more than one time ,, u know to get what lies in between the lines,,

    i know u r going to enjoy it..
    plz recommend some books for me :)
    best regards,

     
  • At Friday, February 23, 2007 11:48:00 PM, Blogger Utopian said…

    poussy

    u should read "Taxi"
    ketab aktar mn ra2e3
    aslo bebasata..mesh wa7ed elli katbo
    el nas heyya elly katbah

    fi ketab tany esmo "shaklaha bazet"
    mesh faker esm el writer
    ana lessa magebtoosh
    bass el nas btoshkor feeh gedan

    Regards,

     

Post a Comment

<< Home