هاله.. مش هتقدري تغمضي عنيكي
عرفتوا فضيحة هاله سرحان ولا لسه؟؟
اللي ميعرفش لازم يعرف
واللي ما يشتري يتفرج
أقترح ان الشعب هو اللي لازم يحكم عليها بأه
و انا بقترح اننا نحكم عليها بالموت بالتفافه في ميدان عام
بالدور يا اخواننا الله يكرمكم..كله هيتف
وانا هتبرع بأول تفه
online
هاله...اتفووووووو
اتفضلوا يا جماعه
help yourself
بس في عنيها والنبي
عشان متقدرش تغمض عنيها
*******************
Utopian
اللي ميعرفش لازم يعرف
واللي ما يشتري يتفرج
أقترح ان الشعب هو اللي لازم يحكم عليها بأه
و انا بقترح اننا نحكم عليها بالموت بالتفافه في ميدان عام
بالدور يا اخواننا الله يكرمكم..كله هيتف
وانا هتبرع بأول تفه
online
هاله...اتفووووووو
اتفضلوا يا جماعه
help yourself
بس في عنيها والنبي
عشان متقدرش تغمض عنيها
*******************
Utopian
posted by Utopian @ Tuesday, February 13, 2007
58 Comments:
At Tuesday, February 13, 2007 6:18:00 PM,
Unknown said…
قفشتك المره دى ووصلت اول واحد
بس الحقيقه انا مش هقدر اتف لانى بالرغم من انى مش معجب بطريقه هاله
بس برضه بفتكر لها حلقات كتير حلوه عملتها و مواضيع جريئه كتير قدمتها
تحياتى
واحد مش معجب من الى عملته هاله
بس متاكد ان كل الى قالته فى برنامجها بيحصل و بيحصل اكتر منه كمان
At Tuesday, February 13, 2007 6:50:00 PM,
Pragmatic said…
بالمناسبة بناء علي خبرة شخصية كل البرامج ديه فشنك والجمهور فشنك كمان
الناس ديه كلها لا تستحق الاحترام
At Tuesday, February 13, 2007 6:57:00 PM,
Pragmatic said…
انا علقت قبل ما اقراء الموضوع بتاع هالة سرحان
وبمحض الصدفة البحته طلع كلامي صح
وانكشف الهبل اللي بيحصل في اتحاد ملاك التليفزيونات
بالمناسبة انا مستخصر اني اقول كلام اكتر من كده
At Tuesday, February 13, 2007 9:10:00 PM,
ihapoof said…
بعد اذنك يا كبيير .. وسع شويه
باااس كده
أتفووووووووووو
At Wednesday, February 14, 2007 12:37:00 AM,
mariam said…
ايه ده
ايه الزحمه دى
مش قلنا بالدور
مشكلة هاله سرحان انها لما تيجى تناقش قضيه بيقى همها تعمل حاجه غريبه
فالناس تقول ايه ده شوفوا هاله سرحان بتعمل ايه
و كله يتكلم عليها
و الصحافه تكتب
و هو ده النجاح فى نظرها
يعنى مبتكونش عايزه تعرض القضيه للمناقشات الموضوعيه او البحث عن حل حقيقى
معلش طولت عليك
اصلى شايله فى قلبى كتير
تحياتى
At Wednesday, February 14, 2007 11:14:00 AM,
Yasmine Adel Fouad said…
انا واحدة مبتحبش هالة سرحان
و مبتعرفش تتف الصراحة
" و دى مشكلة بتؤرقنى "
بس بصراحه لو اتحطيت فى الموقف اللى يسمحلى انى اتف عليها و انا بعرف اتف مش هتف
الست فعلا غلطت
و هى بتقول ان ده ذنب اعداد مش ذنبها
بس بما انها عارفه فهى مشاركة بقدر أكبر فى الغلطة لانها عندها المفروض عقل اعلاميه
صحيح المفروض ان الجمهور كله كومبارس
ووشوشهم محفوظة بس مصداقية البرنامج بتخللى الواحد يصدق ان الناس اللى مستضيفنهم يصدقهم
المشكله فين دلوقتى ؟
ان هاله شوهت صورة مصر
اسمحلى اقولك اتقى الله
:)
مصر فيها بنات ليل بيعملوا حاجات ازبل من اللى هاله سرحان جابت الناس يقولوها فى البرنامج
انا ممكن كنت اقول انها بتشوه الصورة لو مفيش بنات كده و هى مستقطعه بنات مخصوص لكن ربما هى معرفتش تجيب بنات ليل فعلا هل ده مبرر لغلطتها طبعا لا
فى نظرى غلطة هاله فى الاستخفاف او الاستهانه بالمشاهد و اعتبارها انه حمار و بيصدق ده اللى تستاهل تتعاقب عليه تتعاقب ازاى معرفش الصراحه ايه العقاب المناسب بس اكيد ان مجرد التف عليها ده عقاب خيالى و نفسى
هى كده مصداقيتها راحت و ى مش سهله على حد اعلامى
العقاب بقى يكون تعويض مادى بيتهيألى
و ياسلام لو البرنامج يتوقف شوية ع الأأقل و ان كنت اعتقد ان ده صعب يحصل
بس تخيل مجرد فرض ان الربنامج شغال
و ان محدش مصدقه و الكل بيقول بس يا كدابه يا زبالة المجتمع
دى لوحدها حكم
يكفى شعور الجمهور انه عايز يتف عليها
بس انا فى نظرى غلطتها تكمن فى استخفافها بالمشاهد و ده يدل عن ثقه منها و من الاعداد اننا بنقول وراء كلامها امين و دى غلطة اللى عاملين منها اعلاميه جامده و الكل عارف هى بتوصل للمناصب دى ازاى و محدش بيحبها فى الشعب اصلا
انا ساعات لما بشوف برنامج ليها ببقى عاصرة على نفسى ليمونه بس انا متابعه علشان الضيف او موضوع الحلقه
و مقدرش انكر ان بعض الحلقات اللى كانت عن الراجل و الست كانت فعلا بتقول حاجه
يالهوى ع الرغى
عموما
عقابى لهالة
هيكون احتقارها
و الاستخفاف ببرامجها بقدر اكبر مناستخفافها بعقلى كمشاهدة
بس انى اتف عليها
مش هنزل لمستواها و اعمل كده
:)
اكيد مش هرجع تانى و ارد لانى اتكلمت كتير انا شاكه انك تقرا الرد على مراحل اصلا
ههههههه
At Wednesday, February 14, 2007 11:21:00 AM,
Yasmine Adel Fouad said…
شوف سخرية القدر
نسيت اقول حاجه
عجبتنى اوى فكرة ان هالة سرحان مش هتقدر تغمض عينيها
سواء من التفافه
او من الويل اللى هتشوفه
قدم المشيئة
بس بجد لو هالة سرحان خرجت انضف م الصينى بعد غسيله
و لزقوها كلها للاعداد
خصوصا ان البنات بيقولوا انهم كانوا متفقين مع هاله سرحان و انها عارفه الليله كلها و مزودالهم الفلوس كمان
يبقى مش بس هاله سرحان اللى تستاهل يتف عليها
لا ده النظام كله بقى
و ساعتها التفافه يبقوا ااقل ما يجب
بس انا قلت مش بعرف اتف
ممكن اضربها بشبشب على بقها
هههههههههههههههه
At Wednesday, February 14, 2007 9:56:00 PM,
Poussycatmiu said…
Salam Alikom
Yalla koloko tefooo 3ala Allah tendaf b2a,,7aga te2ref wallahy elnas dy hatrooo7 mn rabena feen
ana mesh hatef zaykoo,, yalla 2olo waraya
اللهم عليك بهم..اللهم عليك بهم..يا ودود يا ودود يا ودود يا ذا العرش المجيد..يا مبدىء يا معيد..اسالك بنور وجهك الذي ملىء اركان عرشك..اسالك بقدرتك التي قدرت بها علي جميع خلقك..اسالك برحمتك التي وسعت كل
شىء..يا مغيث اغثنا..يا مغيث اغثنا
At Wednesday, February 14, 2007 9:59:00 PM,
Unknown said…
hi ya amr
ana 2areet el mawdoo3 we nefsi a3la2 laken el gehaz be3afia zai maho wade7 bas ana ba7gz mkan
amira
At Wednesday, February 14, 2007 10:01:00 PM,
Poussycatmiu said…
neseeeeeeeeeeeet 7aga ,, bemonasbet 3eed el7ob elsa3eed ,, a7eb a2oool
عيد الحب..خالي الشعب يضيييييييع..
و راحت عليكي يا دنيا و راح زمن الشهادات وبقيتي يا دنيا ماشية بالرقصة و عالصاجاات
و ربنا يخالي تامر حسني للشعب
و سعد الصغير للسواقين
و بعرور للسبكي
و مين تاني؟؟
يالا سلام لحسن بجد انا مش قادرة ...يا مثبت العقل و الدين يا رب
At Thursday, February 15, 2007 12:10:00 AM,
Utopian said…
whyme
حمد لله علي السلامه يا باشا
ليك وحشه بجد
لو مش هتقدر ممكن اتفلك انا
:)
طبعا ده رأيك وانت حر فيه
بس انا بصراحه مش شايفلها اي حاجه عدله
ثم ان دي مش اول مصايبها
انت فاكر خلقة العاده السريه بتاعة دريم
انا مش عارف ايه المواضيع الشيقه دي
ايوه الشباب بيمارسوا العاده السريه
و بنات الليل موجودين و بيعملوا بلاوي
بس اعتقد طريقة طرحها للمواضيع مش طريقه موضوعيه و لا اصلاحيه بالمره
At Thursday, February 15, 2007 12:12:00 AM,
Utopian said…
pragmatic
هو فعلا مفيش كلام كتير ممكن يتقال
انا نفسي ملقيتش حاجه اقولها في البوست
مش قلتلك يا بني تف و اخلص:)
At Thursday, February 15, 2007 12:13:00 AM,
Utopian said…
Ihab
يسلم فمك يا باشا
At Thursday, February 15, 2007 12:16:00 AM,
Utopian said…
mano
فضفضي و لا يهمك
:)
فعلا طريقته في طرخ القضايا طريقه الغرض منها الفضايح ليس الا
ده غير طريقتها المستفزه و ضحكاتها الرنانه
ما علينا
ان شاء الله تاخد الشر و تروح
At Thursday, February 15, 2007 12:24:00 AM,
Utopian said…
ياسمين
يا معين :)
انا عارف ان البلد بيحصل فيها بلاوي
و ان سمعتنا مش اد كده يعني
بس تفتكري احنا كنا و حشين قبل الناس جدي و لا الناس دي كانت جزء من التغيير السيء ده؟؟
و بعدين ارجع تاني و اقول دي مش طريقة و احده بتطرح مشكله عشان تحاول تحلها
دي واحده عايزه تجيب ضلفها
وبعدين اشمعنا مصر
تفتكري تقدر تروح تعمل حلقه عن اللواط -المنتشر بشده- في الخليج؟؟
لأ طبعا..لأن هم اللي بيدفعوا
لكن احنا الغلابه
و بعدين احنا بجد سمعتنا سيئه اوي في البلاد العربيه
فاكرين بنات مصر كلهم بيتجوزوا عرفي - الموضوع ده عن تجربه مع ناس عرب فعلا
وكل ده ليه
عشان الافلام الوسخه اللي عندنا
و ده كل اللي يعرفوه عننا
-----------------
اللي يستاهلوا التفافه كتير يا ياسمين
بس الناس تبدأ بحد بس
و بعد كده هتفرج بعون الله
At Thursday, February 15, 2007 12:28:00 AM,
Utopian said…
poussy
ياريت التفافه تجيب نتيجه!!
اميييين يا رب
----------------
مالك يابنتي .. مخنوقه كده ليه؟
هو سؤال غريب بصراحه
أصل انا كمان مخنوق
بس عادي يعني
لازم أسأل برضه
الناس بتحتفل بعيد الحب
بتحصل برضه
At Thursday, February 15, 2007 12:29:00 AM,
Utopian said…
Hi amira
salamet el gehaz..wala yhemek
w ba3deen mn 3'eir mate7gezy ya amira.. makanek mahfooz
mestaniky
Salam
At Thursday, February 15, 2007 2:53:00 AM,
ibn nasser - ابن ناصر said…
يا عم أنا نفسي هاله سرحان تخوش السجن أصلي بكرها كره وبرنامجها بيستفزني أوي أوي ,, وعلي فكره يا يوتوبيان أول مره أزور مدونتك وليست الاخيره باذن الله وموضوعاتك ظريفه
ويبدو من كتاباتك انك صاحب قلم رشيق
http://ibnasser.blospot.com
At Thursday, February 15, 2007 8:53:00 AM,
Utopian said…
ابن ناصر
واللهي نفسي
بس تفتكر هتدخل السجن؟!؟
سعيد بزيارتك و لازم تتكرر ان شاء الله
At Thursday, February 15, 2007 9:36:00 AM,
Utopian said…
poussy tany
امبارح علي قناة المحور
كانوا جايبين تقرير عن عيد الحب
بس مش زس مانتي فاهمه
غير تقليدي
علي طريقة فيلم جاءنا البيان التالي
لما هنيدي نزل الشارع بيسأل الناس عن امانيها في راي السنه
واحد قاله
انت عبيط يابني
راس سنة ايه و زفت ايه
بالظبط كده
راحو مصر اللي بجد
واحد قالها مفيش المسخره دي
وواحده قالتلها كلنا بنحب بعضينا الحمد لله
الاعلام بيحاول يلهي الناس
بس كده كده
في ناس مينفعش تتلهي
لانها بتفكر في أكل النهارده ولا هننام جعانين
!!!
At Thursday, February 15, 2007 11:02:00 AM,
-_- said…
هو انا لسة تافف عليها في مدونة مايكل النهاردة بس هي الست دي ليها فضيحة تانية ولا ايه ؟
At Thursday, February 15, 2007 11:25:00 AM,
Yasmine Adel Fouad said…
عمرو
هالة سرحان بتطرح المواضيع بصورة مستفزة فعلا
و بتقول كلام كتير تحس غرضه اللى ما يشترى يتفرج او تزود نسبة مشاهدين مش انها تحل قضيه
كل ده اوك عليه
ممكن اقولك اه اسلوب هالة فى الطرح غبى او ممنوش لزمة
بس مقدرش اقولك ان المواضيع دى ما تطرحش
عمرو
ناس كتير بتغلط علشان هى ماتعرفش انها اللى بتعمله ده غلط
بتقول العرب فاكرين مصر بلد كل بناتها بيتجوزوا عرفى
و الله مش بس العرب اللى بيعمموا الاحكام يا عمرو
ما انت بتلاقى فى مصر حد يقولك العرب حمير و للا اغبياء
ما اهو كمان بيعمم الحكم عليهم اهو
عمرو بص معرفش سمعت عن الحوامدية و للا لا مثلا دى حته تابعه للجيزة قبل البدرشين و بعد المنيب
المهم يعنى الحوامدية دى تلات ارباع سكانها بيبيعوا بناتهم للعرب
كده بيبيعوا ادفع و استلم و انا واثقه انا بقول ايه يا عمرو
مش معنى كده ان مصر كلها المنظر ده
بس دى حاجه موجوده
هنقول الحوامدية مكان شعبى شوية
انزل المهندسين فى الصيف ياعمرو و شوف العرب عاملين ايه
مصر اللى اتعمل فيها فرح اتنين شواذ يا عمرو علشان فى بلدهم ما رضيوش
فرح و زفه و رقص و اللى ما يشترى يتفرج
اه انا مصرية
اه انا بحب مصر
بس اه ده وضع ما يتسكتش عليه
مايهمنيش بلد تانيه هتقول عليا ايه دلوقتى
على اد ما يهمنى اوعى ناس شايفين كل ده حواليهم عادى
لما واحده تكون م الحوامدية مثلا
و شايفه كل ده بيحصل
من اهلها الناس اللى المفروض يحبوها اكتر من اى حاجه فى الدنيا يبقى لو قلتلها ان ده غلط هتقولك انت حمار غلط ازاى
الناس دى هتوصلها ازاى غير بالاعلام
اه فى ناس بيستغلوا الاعلام غلط
اه فى ناس ليها اغراض واطية و بنت ستين فى سبعين
اه فى ناس عايزة تشوه صورة مصر
بس مش كل الناس
و كلامى دلوقتى خارج هاله سرحان خالص يا عمرو انا بتكلم بشكل عام
عمرو عارف انا كبنت مصريه او مش مصريه او مسلمة او او او
عارف عرفت كلمة العادة السرية دى امتى عرفتها و انا عندى 20 سنه بالصدفه البحته جدا جدا جدا و مكنتش عارفه معناها ايه و سألت ساعتها مامتى
لانى قريتها فى مجله و كانت محور فيلم فى معهد السينما و اتكلموا اد ايه الفكرة جريئة و فهمت انها حاجه غلط
20 سنه و اول مرة اسمع الكلمة
عارف لما سألت والدتى قالتلى ايه
دى حاجه حرام المفروض الانسان ما يعملهاش و قعدت تقول مساؤها قبل حتى ما اعرف هى ايه
كانها بتقولى حرام حرام حرام من غير ما افهم هو ايه الحرام اصلا مش اعرف دى ايه طيب
يبقى برنامج عن العادة السريه يضايقك ليه
يمكن فى ناس متخلفين زيى او مؤدبين بقى و مش عارفين الكلمة دى ايه اصلا
______________________
ما يهمنيش الناس دول شوهوا المجتمع و للا لا على اد ما يهمنى الناس اللى مش فاهمة او مش عارفه تفهم
عمرو انت فاكر ان اللى بيغلطوا هم الناس الصايعه او اللى فاهمين
اللى بيغلطوا اكتر هتلاقيهم المحترمين اللى معندهومش توعيه كافيه
البنت اللى مش كويسة بتكون واعيه و فاهمه حدودها اوى و عارفه تعمل ايه و ما تعملش ايه
لكن البنت المحترمة اللى بتصدق بسرعه بتقع اجمد و لما بتقع بيبقى صعب عليها تقوم
بتقولى ان واحده زى هاله متقدرش تعمل حلقة عن الشذوذ اللى عند العرب مثلا
ما تولع يا عمرو لو هى عندها ازدواجيه فى التفكير او وشوش كتير تولع بيهم بس مقدرش اقول ساعتها ان محدش يتكلم عن الشذوذ اللى فى مصر
مش عارفه يا عمرو
هى ثقافة تحذير و ادراك اكتر ما هى ثقافة فضايح
فى ناس فعلا بتتناول المواضيع بشكل جدى يحترم غرضها التوعية زى عمرو اديب مثلا او منى الشاذلى
دول ناس تحترمهم و تسمعهم و انت سعيد بامثلة زيهم عندك
عمرو انا اتلكمت كتير
و حاسه انى خرجت من الموضوع
بس انا قلت وجهة نظرى
لو ما فهمتش قصدى
يبقى انا كنت بتكلم بسرعه بقى
و سورى لو كنت خرجت م الموضوع
او اتكلمت كتير زيادة عن اللزوم
At Thursday, February 15, 2007 4:05:00 PM,
Utopian said…
sharm
ياعم تف..انت هتحوش :)
انا مش عارف قصدك ايه بالاولانيه عشان اقوللك التانيه
بس اذا كان علي الفضايح
فهم كتيييير
اوي
At Thursday, February 15, 2007 4:15:00 PM,
Utopian said…
ياسمين
انا مبسوط بحماسك ده اوي
معتقدش اننا مختلفين
الاعتراض علي تناول القضايا الحساسه بطريقه مبتذله
مش علي تناولها المطلق
احنا لحد قريب اوي كنا قافلين علي نفسنا في حاجات كتير
و اهالينا كانوا بيتهربوا من كل التساؤلات اللي ممكن تحرجهم
بمقولة عيب و حرام
فيمنفعش بأه لما اجي افتح موضوع من هذه الشاكله
افتحه بطريقة هاله الغير لائقه دي
خصوصا اننا شعب غلبان اوي
وشبابنا غلبان اوي
بالنسبه للحوامديه
طبعا أعرفها كويس و رحتها اكتر من مره
بالمعديه أم ربع جنيه
بس أول مره أعرف المعلوه اللي انتي قولتيها دي
طبعا اعرف وجود الظاهره دي في مصر
بس وجود مكان معين دي جديده عليا
----------------------
في امراض اجتماعيه كتير اوي ظهرت في العقدين اللي فاتوا في العالم كله مش مصر بس
و نتيجهة الانفتاح الرهيب و النت طبعا الامراض دي بقس سهل أوي انتشارها
في امراغض منها مرتبطه بالفقر
و امراض مرتبطه بالغني و الرفاهيه الزايده
و في امراض أخري مشتركه
زي المثليه الجنسيه مثلا
المشكله في التوعيه المبكره
لأن دي تحديات جديده
مكنتش موجوده قبل كده
وأهالينا -في رأيي-فشلوا في تجاوزها
الا من رحم ربي
و النتاج من الشباب
يا اما ناس فاتحاها علي البحري
يا اما ناس قافله علي نفسها اوي
يا اما وسط بس تعبانين و محتارين برضه
تحدي غريب و صعب
بس مش اختياري
At Thursday, February 15, 2007 7:50:00 PM,
Yasmine Adel Fouad said…
و الله يا عمرو
انا متأكده من اللى بقوله عن الحوامدية ا عبارة بربع جنيه اه
على ايامى كانت ب 15 قرش
المهم
هناك الجواز من عرب بكل انواعة منتشر
سواء جواز عرفى او مسيار او او
حدث و لا حرج
و معاك ان اسلوب الطرح يختلف
بس ساعات الصراحة ايا كان مقدارها لانها بخصوص حاجة مش متعودين نتكلم فيها فبتحسها بتصدم
عموما
اكيد احنا مش مختلفين
و عايزين مصلحة البلد و الاهم الناس اللى عايشين فى البلد
At Thursday, February 15, 2007 10:04:00 PM,
Anonymous said…
هالة دى تستحق عقاب أكتر من كده
عقابى بيها إنى أفرجها على نفسها ..كام حلقة ورا بعض ..ضدقونى هايجيلها شلل من نفسها
.
المهم ..هى صحيح مواضيعها ساعات بتبقى كويسة لكن طريقتها فى تقديمها و تناولها ليها زبااااااااالة و تستحق عليها تفة كبببببيرة هدية
تفووووووو
.
مها
At Thursday, February 15, 2007 11:19:00 PM,
Unknown said…
يااااااه
ده أنا جيت متأخرة قوي
بس الحمد لله الكمبيوتر قام بالسلامة
بص يا عمرو أنا قريت كل التعليقات علشان ما أقولش كلام مكرر
أولا بالنسبة لهالة سرحان
الدكتورة هالة مش بالقوة اللي بتظهر بيها على الشاشة جايز تكون شخصية قوية اداريا لكن في الآخر أكل العيش وسياسة المحطة وسياسة القطيع موجودة في أي خُرم ابرة من المحيط الى الخليج وده ينطبق على عمرو أديب ومنى الشاذلي ومحمود سعد
كلهم عندهم خطوط حمرا وعندهم كبير لازم يستأذنوه
جايز هالة سرحان كانت استثناء زمان أيام دريم لكن بعد ما خبطت في لجنة السياسات ودكتور بهجت قالها .. هذا العام لن نشتري خروفا ... ستكونين أنتي الخروف... فهمت الليلة وجرّيت على الوليد وعرفت حدودها وازاي تعمل حواليها زوابع من المواضيع اللي بتناقشها من غير ماتتسبب في قفل المحطة
دي هالة سرحان وتعال نتخيل سيناريو صغيّر ممكن يكون حصل
سمو الأمير عايزة أعمل حلقة عن بنات الليل طب ياهالة كويس ده موضوع سُخن اعمليه
طب هاجيب بعد اذن سموك واحدة من مصر وواحدة من الخليج وواحدة من دول المغرب العربي
ايه ده ياهالة انتي اجننتي ؟؟ هاتي تلاتة أربعة من مصر وصوري وخلصيني .. اتفضلي روحي شوفي شغلك
....
الست وشها احمر واخضر بس في نفس الوقت افتكرت العشرتاشر ألف دولار اللي بتقبضهم فحطت أقدم جزمة في بقها ..... وراحت صورت
صورت ازاي صورت بمين واللي صورت بيهم دول كانو هيتكلمو عن شرف المهنة لو كانو ماعرفوش روحهم ولا لأ
دي مش قضيتي خالص
أنا بس باقولك على اللي ممكن يكون حصل في الكواليس اللي ماعدتش كواليس
......
عمرو
افتكر مشروع ردم النيل
فكرت تتف على ابراهيم سليمان ولاّ فكرت في سمو الأمير
....
حفظه الله
تحياتي
At Friday, February 16, 2007 12:36:00 AM,
Pragmatic said…
الابتذال مرفوض بكل اشكاله يا عمرو
بالمناسبة بما اني عملي في حياتي لازم اقول الكلام ده :
مينفعش حد يقول المكان ده كله كذا
او الظاهرة ديه منتشرة بشده في المكان الا اذا كنت بتقول الكلام ده عن علم
والعلم كل ما هوا تجريبي.
يعني احصائيات والكلام ده
او انك تكون عارف المكان ده كويس جدا بكل افراده وده طبعا مستحيل .
المشكلة علي راي احمد زكي في فيلم السادات علي لسانه
ان احنا عندنا مرض لما حد يسرق مثلا كل واحد يمسك جرس ويقول مصر كلها حرامية .
بالاضافة الاشاعات سهلة الانتشار جدا في المجتمع المصري ( انفليونزا الطيور مثلا )
فبعد كل ده صعب جدا اخد معلومة مؤكده من عامة الشعب .
هالة سرحان حالة غريبة ولكن للاسف لن تكون الاخيرة مدام احنا ماشيين بنظرية دعني اخدع .
لا يوجد موضوعية في التقييم لدي المشاهد المصري بدليل رواج مش هذه البرامج وتخيل معي ان هالة سرحان لو لما تظهر وجوه الفتيات في البرنامج لمر الامر بسلام كما مره سابقه دون اي ملاحظات من احد !!!!!!!!
At Friday, February 16, 2007 2:04:00 AM,
كلبوزة لكن سمباتيك said…
حلوة قوي الفكرة دي
كنت عاملة حملة زيها لجمع التفافة على اسرائيل
من يجي سنة كده
اللوجو كمان مبتكر
احييك
At Friday, February 16, 2007 3:51:00 AM,
Diyaa' said…
باشمهندس عمرو...اعذري لغيابي بس نفسياً أنا مش قادر افكر أصلاً وفضلت فترة منعزل مع نفسي
وبجد كان نفسي اكون متابعك من بدري
المهم الموضوع ومناقشتك مع الأخت ياسمين
خلوني عايز أرغي
ممكن ؟!
هعتبرك قلت اه
بص يا سيدي...اللي زي هالة أولاً عبارة عن بنات اتربوا غلط...يعني اتنقلوا من انغلاق الشرق لانفتاح الغرب من غير دفاعات نفسية تخليها تفرق بين الصح والغلط
كفاية اسلوبها في الضحك لوحده بيحسسني إنها في كباريه مش بتحاور
هيا ليها دقات رجولة زي ما اتكلمت عن وزارة الزراعة ولما قالت لبتاع العبارة لو راجل كنت واجهتني هنا بدل ما انت هربان من مسئوليتك
بس في الاخر الغلط مش علي هالة
لأن بيني و بينك اللي بيتفرجوا عليها عارفين كل البلاوي اللي بتحصل واكتر
الغلط علي اللي بيمنع مذيعة لابسةالحجاب وبيطرد عمرو خالد من البلد لكن مش بيمنع مذيعة هاين عليها تصور بنات الليل وهما بيمارسوا نشاطهم اللي يا حرام محبرين عليه
مع إن معرفتي ب الناس دي اثبتتلي أن نصهم بنات تافهة واهلهم بيعملوا اللي عليهم عشان يربوهم
بس البنت بتبقي هابلة وعايزة تقلد و الأهل مش فاضيين يربوها او مش عارفين يربوها صح
فبتبدأ عند أو تجربة وبتتحول لإدمان
وانا شخصيا عرفت واحدة كان عندها عربية بس كان ليها وجهة نظرغريبة
انها بتحب تشوف الراجل وهو مذلول ادامها
يعني بتكون عقد نقص سواء تقليد او كراهية للرجالة أو طموح زيادة أو فراغ تفكير أو اي حاجة كده
وفي اللي بتكون حابة الموضوع لمجرد الدخول في الممنوع و لمجرد انها بتحب الجنس نفسه والممنوع مرغوب زي ما انت عارف
اللي عايز اقوله بقي
ان طرح المشكلة وحلها ممكن من ناحيتين
ان يبقي في تربية للأهل قبل الشباب والأولاد
يعني يبقي في أسرة قد مسئولية الاسرة مش جواز عشان الخلفة بس اوالجنس بس
وده الغالب
يبقوا الاتنين معندهمش فكرة ازاي هيربوا
او كل واحد تفكيره في ناحية
وفي النهاية الولد أو البنت بيربوا نفسهم بنفسهم او بتربيهم الدنيا بكل ما تحمله الكلمة من معاني واسعة
وفي جانب تاني
ان ناس زي عمروخالد متكونش متشددة وأسلوبها قريب من الشباب يتكلموا في المواضيع دي وأكد هيكونوا عقلانيين وهيوصلوا المفهوم صح بحيث نبقي واعيين وفي نفس الوقت النفسية بتاعتنا سليمة بحيث إننا نتجنب الموضوع ده ويبقي عندنا مقدرة علي الارتقاء بنفسنا بدل عيشة الحيوانات اللي الناس عايشاها دي
ويا ريت برامجهم تتذاع أولي وتانية ونجوم إف إح كمان وكل القنوات اللي بيشوفها الشباب وكل الطرق الممكن الوصول منها ليهم
طبعاً كل اللي بقوله ده حلم مستحيل
بس هو ده اللي ممكن يحل الموضوع
لكن هالة والكلام عنها مش هيحل حاجة
بالعكس هيا كده مبسوطة
لأن القناة بيتعملهادعاية
واسمها طالما علي كل لسان يبقي هتلاقي الي عايزها تشتغل معاه
بتفكرني بالجرايد الصفرا
الراجل صاحب الجريدة ممكن يكتب ناس عليهم أحكام لمجردالحصول علي بعض الاثارة
مش مهم بقي اصول المهنة والكلام الفارغ ده
فهالة هيطلعلك غيرها مليون هالة
وأنا أعرف اللي بيفكروا زيها ومنهم واحدة عاملةمدونة باسم مكسوفة
بتحكي تجارب بالتفصيل شبه الممل لمجرد أنها شايفة انها كده بتعري المجتمع وبتكشف زيف التقوي اللي متمسكين بيها
لكن في الاخر اللي بيقرأ يا اما بيعتبرها فيلم ثقافي مكتوب ويبدأ يتخيل
يا اما بيتاكد ان الكل باطل والشرف بقي شئ نادر
يا اما بيجاملها بكلمتين ويمصمص شفايفه بينه وبين نفسه
لكن كونها تطرح حلول او تعرض المشكلة من غير مشهيات جنسية
فده شئ واسع عليها شوية
ومش الحل إننا نقفل مدونتها
الحل انك تناقش اوتتجاهل
بس
وهالة اللي بيسمعلها ويشوفها قليل أوي لما يكون حد سوي أصلا وتاثره بيها بيبقي بناء علي استعداده للتفاهة
فنصيحة
متشغلش بالك
خسارة فيها ذنب التفة
وحاول توصل للصح مع نفسك وتعرضه انت سواء علي أصحابك في الحقيقة او هنا في المدونة
والبنت اللي تطلع تقول إنها لا مؤاخذة دي أكيد مش لاقية تاكل او هابلة أوي
وده يبينلك إننا بلد بنت ستين في سبعين
بلد نصها حرامية و نصها مش متربي
إلا من رحم ربي
سلام عليكم وأسف للإطالة
At Friday, February 16, 2007 6:50:00 AM,
Utopian said…
ياسمين
15 قرش بأه ولا 25 قرش؟
مش فاكرب اوي يعني بس لصلي كنت معزوم
والمعديه كان نصها حمير
شفتي المساواه
:)
لك الله يا مصر
At Friday, February 16, 2007 6:53:00 AM,
Anonymous said…
انت عارف بقي انا ايه الي قهرني
ومخليني شايلة اكتر منكم عشرين الف ومليون الف مرة
مش انها جابت بنات وقالتلهم قولوا كدة
ولا انها خدعت مللاااااين البشر بالحدوتة القذرة دي
ولا انها اصلا بني ادة لا يستحق الحديث عنها
انت عارف ايه اللي واجعني اوي
ان الحقيرة دي قالت ان البنات دي
مش قادرة اكمل
ولا لساني ينطقها
الحقيرة كل ما افتكر كدة اتالم
المهم هتيجيلي الشجاعه دلووقتي
انها قالت ان البنات دي مع الالم مع الاسف
ان هما من تررررررربية رياضية
اىىىىىىىىىىى
اتاري الناس كل ما تشوفني تسالني
المشكلة فين المشكلة في دول
الدين
العقل
الخبرة في الحياة
الوسيلة
وانت بقي فسرهم بمزاجك
At Friday, February 16, 2007 6:53:00 AM,
Utopian said…
مها
صحه و عافيه
ايوه كده
بس ياخوفي لاشهر و لا اتنين وترجع ببرامج أكتر كمان
وكأنك يابو زيد ما غزيت
تحياتي
At Friday, February 16, 2007 7:07:00 AM,
Utopian said…
amira
حمد لله علي سلامة الكمبيوتر
رأيك انا شايف انه في محله مع اختلافي معاكي في بعض تفاصيل السيناريو
أكيد الوليد مش فاضي لدرجة انه يتناقش في مواضيع البرامج اللي بتتقدم علي كل قناه من بتوعه
خصوصا انه بيستر بنته دلوقتي و مش فاضي
بس فعلا انا مقتنع جدا ان كل قوي في الاقوي منه
بس واضح ان الشعب المصري بييجي في اخر اللسته دايما
و الخيار الوحيد بالنسبه لينا اننا نختار ما بين الضرب و الشتيمه
!!!
----------
واللهي يا اميره من كتر الناس اللي تستاهل التفافه مش عارف هكفيهم تفافه منين
--------------
بس جامده حكاية
هذا العام لن نشتري خروفا ... ستكونين أنتي الخروف..
الناس دي مانشيتات برضه
حتي و هم بيقعوا
سلام يا بلدي سلام
At Friday, February 16, 2007 7:10:00 AM,
Utopian said…
pragmatic
عندنا العجل لازم يقع الاول
عشان تكتر سكاكينه
لكن محدش بيحاول يدبح العجل و هو واقف علي رجله
انابيب البوتناجاز لازم تضرب في وش الناس
و بعد كده يفتكروا اخخخخ
ده فيه مستودع انابيب في وسط المساكن
و الامثله كتير زي مانت عارف
و الحق علينا
عشان متعودناش نطلب حقنا
At Friday, February 16, 2007 7:12:00 AM,
Utopian said…
sampateek
سعيد بزيارتك
خطوه عزيزه فعلا
اللوجو مش انا اللي عامله علي فكره
انا لقيته في كذا مدونه
تحياتي
At Friday, February 16, 2007 7:25:00 AM,
Utopian said…
diyaa'
ولا يهمك يا باشا
حمد لله علي سلامتك
خد راحتك خالص
البيت بيتك
:)
---------------
متفق معاك في جوانب كتير قوي
و موضوع التربيه ده قلت فكره مشابهه ليه في تعليقي علي ياسمين
زي مانت قلت فعلا
الشباب كلهم بيعلموا نفسهم بنفسهم او بيتعلموا من بعض
وكل واحد و حظه في الناس اللي وقع معاهم
للأسف فعلا دور البيت اعتقد انه مش موجود
و في احيان كتير بيبقي سلبي
وأكيد النات دول هيبقوا تافهين
و ضايعين
اللي تعمل في نفسها كده
في اسباب كتير قوي بتبقي ورا البلوه دي
-------------------
ارجع تاني و اقول
الاختلاف في طريقة الطرح
مش في القضيه نفسها
كل حاجه ممكن تتطرح يا ضياء
بس لكل مقام مقال
لمن مينفعش موضوع حساس يتطرح علي انه قعدة نميمه
و طبيعة التليفزيون مختلفه تماما عن النت
و البلوجز
اللي يوصل انه يكون متابع للبلوجز
او عنده بلوج
بيكتب فيه رأيه
في الدنيا
بيكون عنده اللي يخليه يقيم و يقبل و يرفض
لكن التليفزيون قصه تانيه
لان الشريحه اللي بتتعامل معاه
مختلفه خالص
-------------
تحياتي
At Friday, February 16, 2007 7:32:00 AM,
Utopian said…
انجي
أي ي ي ي ي
اول مره اعرف المعلومه دي
الله يخرب بيتك يا هاله
حاجه زفت واللهي
المشكله اننا عندنا مشاكل كتيييير قوي
ومن كترها مينفعش نفتحهم كلهم مع بعض
فعشان نعيش سايبنهم
بس كل شويه القمقم يتفتح و يدينا واحده
انبوبه
عباره
قطر
واحده واطيه
والبقيه تأتي
At Friday, February 16, 2007 11:16:00 AM,
Diyaa' said…
sa7
At Friday, February 16, 2007 2:37:00 PM,
ibn nasser - ابن ناصر said…
معلش يا جماعه امنيت لها السجن ونسيت تفتي (اتفووه عليكي) يا هاله
At Friday, February 16, 2007 4:09:00 PM,
Utopian said…
ضياء
ماشي الكلام
نورتني
At Friday, February 16, 2007 4:10:00 PM,
Utopian said…
ibn nasser
وانا اقول برضه في تفه ناقصه
:)
At Friday, February 16, 2007 4:17:00 PM,
saso said…
عمرو انت داعي عليا ولا حاجة؟ تالت بوست اقرا واجي احط كومينت الكومينت يضيع اكتر من مرة لحد مازهق واقفل الكومبيوتر كله
ماعلينا هاكتبة ولو علي الشات بوكس حتي
موضوع الفبركة بين الجمهور علشان يصقف بالطلب كان طبيعي ومعروف ومسعر ب80 جنية ست العاقلة هاله و30باين في دريم وباقي القنوات الموفرة
وبرضة المشاكل المفبركة انا فاكرة في برنامج علي الاي ار تي كانت الحلقة- كالعادة -عن العجز وفي واحدة اخدت راحتها اوي تقريبا كانت واخدة فلوس اكتر المهم انها اتطلقت واتحط الخبر في مجلات واقعة من اللي بتلقاهم عند دكتور الاسنان دول
المشكلة مش في هاله او النوع ده من البرامج قد ما المشكلة في اللي بيصدق لمجرد الرغبة في النميمة والفرجة علي أسرار..بقالي سنة تقريبا باحاول مع ماما مفيش فايدة بتتفرج برضة والاظرف انها بتحكيلي
:D
الفكرة في العرض والطلب .. سوق والافكار دي بتشد الناس يبقي هيقدموها حتي في اسلوب المحاكمة البايخة في برنامج معتز الدمرداش كان الغرض برضة فرقعة
المذيع كل شوية يقول تصوروا..طيب يا سيدي تصورنا ممكن تتكلم من غير تهويل
في نقطة بس كنت عاوزة اختلف فيها مع ياسمين ..هي شايفة ان ده اسلوب توعيه -عرض المصايب دي يعني -انا شايفة انها دعاية للاسف
اول تعليق سمعتة من العيال صحابي ومن ماما كان علي المبالغ اللي بتاخدها البنت دي
ونفس الكلام في المكالمات التليفونية عن معتز الدمرداش واحنا عارفين الحالة الاقتصادية في مصر فبلاش نولعها نار
حاجة تانية فعلا الكلام عن الحاجات دي مبيحلاش غير في مصر يعني ماتجيبي اي مثل من لبنان ولا من الخليج المحظور الكلام عنه علشان تثبتي الموضوعية مش اكتر
ما علينا
بما اننا نسايين جدا الناس هتتفرج علي البرنامج برضة
عمرو لو فاكر زمان مذيعة طويييلة كده اسمها فريال صالح كان ليها حادثة سرقة من مسابقة تليفزيونية بمعني انها اخدت الجايزة لنفسها واهو تليفزيون حكومي مش عزبة الوليد..حصل ايه؟ بعد شهرين في الدورة التليفزيونية الجديدة قدمت برنامج جديد ومحدش اعترض
يحيا الزهايمر
At Friday, February 16, 2007 6:17:00 PM,
Utopian said…
saso
ازي صحتك يا فندم
معلش بأه
حظي وحش :)
انا كده تاعب الناس معايا دايما
انا طبعا عارف موضوع التسعيره ده من زمان
زمان شزيه ايام مشروع التخرج كنت قاعد مع صحابي جنب الستوديوهات بتاعة ال art
فيه قهوه هناك بينزلوا يلموا الشباب الفاضي من عليها
و ياخدوا قرشين و ساعات وجبه
و يصقفولهم شويه و يشوفوا ناس مشهوره
وشكرا علي كده
واحنا طبعا منتوصاش
مش عارف ايه الحكمه نبقي مش مبسوطين من حاجه و برضه بنعملها او بنتفرج عليها
و نرجع ننتقدها
انا نفسي ساعات بعمل كده
!!!!
ازدواجيه غريبه حبتين
اكيد اسلوب هاله مش توعيه
ودي حاجه اعتقد كل الناس هنا اتفقت عليها
بس الفكره منين بقي الناس هتعرف القضايا الحساسه نسبيا دي
الاهل بيتكسفوا يتكلموا
مفيش طبعا لا في المدارس و لا الجامعه
طب و بعدين
كل واحد مع نفسه بقي
وحسب دماغه متوديه
يا اما يجرب عشان يتعلم
ولا نشوف حد محترم يطرح الموضوع بموضوعيه
ممكن نبقي احسن كتير من كده
بس لو عايزين بجد
At Friday, February 16, 2007 8:50:00 PM,
Unknown said…
بص بقى
أنا علقت قبلى كده صحيح بس لمّا كان الموضوع عن هالة سرحان
لكن واضح ان الموضوع كبر وأنا مش قادرة أمسك نفسي بقى
أنا كُنت باشتغل في دريم زمان يعني داخلة في زواريق القنوات والبرامج دي
الناس دي عمرها مابتفتح موضوع علشان التوعية والكلام الحلو ده
لمّا كان بيتطلب مني برومو لحلقة من أي برنامج كان بيجيلي اوردر اني أركز على الكلام الساخن والصريح والخناقات ان وجدت وده مش علشان الناس تتفرج .. خالص .. ده علشان المُعلن يطلب ان اعلانه ينزل في فواصل الحلقة وبالتالي يدفع تمن الهوا اللي بيعلن فيه
......
بالنسبة للمواضيع السخنة أو الشائكة زي مابيسموها فأكيد مش هانكون أكتر من أمريكا
واحدة زي أوبرا وينفري اللي ماسكة كل حاجة وبتناقشها بمنتهى الصراحة بدون جعجعة ولا تجاوز من أول زنا المحارم والعلاقات المثلية ولحد مناقشة مشاكل الجنس التالت وحوادث الاعتداء الجنسي وادمان المخدرات في حياة مشاهير المجتمع الأمريكي
أكتر من كده غسيل بتنشره الست أوبرا أنا ماشوفتش
لكن ازاي بتعرض ده من غير ما تعممه على الشعب كله
أهو ده سر الخلطة
ومنقدرش نتهم الاعلام عندنا الا بتهمة واحدة
الغبـــــــــاء
والمشاهد اللي بيقبل ده أغبى منهم
أو مش عايز يبقى أذكى
يبقى يستاهل هالة ومعتز وأمثالهم اللي بينفعلو بحسابات ويضحكو بحسابات ويتكسفو بحسابات والحسابات دي بيعرفوها عن طريق الآير بييس وأي حوسة مش معمول حسابها من الضيوف مثلا على طول بنخرج فاصل أو بيبقى فيه مشكلة في التليفون وياخسارة الخط اتقطع ويا ريت تكلمنا تاني
.......
بص يا عمرو زمان وأنا صغيرة كان عندي أسئلة كتيرة قوي ومحدش كان بيرد لا أمي ولا أبويا ولا المدرسين وكل الاجابات مؤجلة
لما تكبري ...لما تتجوزي ... لما تنسي السؤال...الخ
مش كل المعلومات أخدتها بنظرية التجربة والخطأ لأن فيه أخطاء بتودي في داهية لكن كنت باسمع كتير وباتفرج كتير ولمّا بتكون الرغبة خالصة في اتجاه المعرفة مش تجربة المتعة المحرمة مثلا صدقني ربنا بيبعت الناس الصح بالمعلومة الصح
وفيه حاجات كتيرة قوي أنا لحد دلوقتي مش قادرة أصدق انها موجودة وبتحصل لكن دايما بافكر نفسي ان كوني رفضاها فده مابيلغيش وجودها
وان التناقض اللي احنا عايشين بيه في كل حاجة هوه اللي بيرجعنا لورا
....
طولت عليك قوي
لكن صدقني أنا حاسة قوي بحيرتك انت وناس كتير في سنك ونفسي أعملكم أي حاجة زي ما أنا لقيت ناس زمان عملولي حاجات كويسة
....
تحياتي
At Friday, February 16, 2007 11:08:00 PM,
Utopian said…
amira
طبعا ارائي و اراء الناس هنا معظمها اجتهادات شخصيه
وبعضها عن تجربه
من واقع خبرتنا الحياتيه القليله نسبيا
بس الكبير كبير طبعا
:)
متشكر اوي لكلامك و توضيحك
مش عايز أكبرك و اقولك حضرتك واللهي
بس انتي كده حضرتك فعلا
تحياتي و شكري
At Friday, February 16, 2007 11:36:00 PM,
Unknown said…
This comment has been removed by the author.
At Friday, February 16, 2007 11:56:00 PM,
Utopian said…
انا بقول كده برضه
:)
انا مش غاوي القاب بصراحه
الالقاب لا تصنع الاحترام واللهي
ما علينا
يبقي نخلي البساط أحمدي
ربنا يخليكي لجيل محمود العسيلي
ههههه
-----------
كانوا جايبين محمود العسيلي علي المحور من يومين
واول ما شفته قعدت اضحك علي كلمتك دي
وطبعا اختي قالت ماله المجنون ده
ههههه
---------
سلام
At Saturday, February 17, 2007 12:13:00 AM,
Unknown said…
تعليقي انتحر من البلكونة
طيب
المهم انك قريته ووصل
بس طبعا ردك يضحك مووووت وهوه في الصحرا كده لوحده
وبعدين جيل محمود العسيلي دي مصطلح طلعته على كل زمايلي وأصحابي اللي تحت ال
28
بكرة تكبرو وتبقو جيل هشام عباس مثلاً
At Saturday, February 17, 2007 8:03:00 AM,
Utopian said…
amira
ايه ده
هو راح فين
الناس تيجي تقول عليا بكلم نفسي كده
At Saturday, February 17, 2007 4:13:00 PM,
LAMIA MAHMOUD said…
الشايب لما يتدلع
حاسب شوية عشان اعرف انشن
اتفوووووووووووووووووه
At Saturday, February 17, 2007 5:52:00 PM,
Utopian said…
lamia
جت في العارضه
:)
تحياتي
At Saturday, February 17, 2007 9:11:00 PM,
Poussycatmiu said…
@Salam Alikom Amr
Those u r talking about make me more blue.. those ppl deserve the attention " others" recieve,,but u know,, as my mum always says " shabab moghayab",,
Amr,, i've been thinking about " Reading for all festival",, how cruel is that?? adressed to those who can read,,and r able to buy a book for couple of pounds,,how unfair..
think about " Bread for all festival",,or maybe clean water for all..
how typical,,
At Saturday, February 17, 2007 9:35:00 PM,
Utopian said…
ٌPoussy
reformation needs time..
this way , u r loading urself and nothing will happen except u will be depressed and frustrated..
It's good to feel and think this way.. but u should know that it won't be solved in a minute..
Try where u r
Try where u can change
and u really are lucky..coz u r in the best place u can really have an effect and change..
At Sunday, February 18, 2007 7:24:00 PM,
Poussycatmiu said…
Salam alikom Utopian
ezaik?? 3amel aih??ed3ily,,ed3ily awi :)
i was thinking about something u can do,, isa i'll do it in my classes it's " Pearl of the day",, this pearl could be religious, inspirational or whatever u want it to be,,
let the first one be about " Yalla nenadaf Masr",, isa hanla2y elly yesma3,,we 3ala Allah kasd elsabeel
:)
regards,
At Sunday, February 18, 2007 8:52:00 PM,
Utopian said…
poussy
w 3alikom el salam..
Rabena yekremek y apoussy w yehdeelek nafsek lel 7'eir dayman isa..
3aleiki da3wa keda :)
yeah..good idea, and i began today..
It was my first section this semster and i spent a lot of time speaking in general topics, having feedback about the first semster and i accepted so much criticism but i was happy to accept them all and to have their trust to speak.
it's really a good idea to speak with them and try to be beneficial and to benefit from them too..
yalla nenadaf masr..good start
my pearl today was scientific, but it's always intyeresting for thyem to be out of the educational; reigme..
Go on :)
Best Reagrds
At Wednesday, February 28, 2007 12:39:00 AM,
Anonymous said…
علي فكره اسلوبك عاجبني اوي ياريت تبعاتلي وتقولي ايه رايك فيه
At Wednesday, March 28, 2007 9:06:00 PM,
Anonymous said…
هههههههه
اولا بحييك على اسم المدونة الجامد جدااااا جداااااا يعنى
ثانيا بحييك على التدوينات اصلا يعنى وانا بتجول كدا شفت حوالى 20 مدونة ...مدونتك بامانه اكتر مدونة محترمة شفتها....يعنى فى كتير بيتكلموا فى نفس مواضيعك بس باسلوب مستفز....ماعلينا ...ندخل فى الموضوع بقا
انا مبحبش الست دى ...بس مش هعمل كدا عشانها احنا نقتل على طووووول ):
Post a Comment
<< Home