Saturday, January 20, 2007

فعلا حاجه تقرف

واللهي كل مره ابقي ناوي اكتب حاجه ملهاش علاقه بالبلد و العيشه و اللي عايشينها.....بس مش بعرف
نفسي مصضوضه..عارف انها متتكتبش كده
ازاي يوصل الانحطاط الثقافي و الاخلاقي بالشعب المصري ان واحد زي سعد الصغنطط ده يبقي نجم شباك اغاني و سينما و افراح..الله لا يزيد و لايبارك
وازاي تيقي اغانيه هي العامل المشترك بين كل الافراح مهما اختلف مستواها و اماكن اقامتها، و كله يفسي دماغه و يديها رقص
لأ و اللي يغيظ بأه ان الموضوع مش موضوع ان الراجل كاريزما ولا فلته لا سمح الله. لأ ده الناس عايزه تعك و السلام، و السوق مستعد لاستفبال مزيد من العك
طب انا راضي زمتكم.. ازاي لما واحد بعرور كده يطلع يقول جملته الخالده
ابقي تعالي بالليل..وأنا أوريك الويل
الناس حتي متستغربش ان فيه كلام غريب بيتقال...وبرضه يدوها رقص
لا و يقوللك احنا مجتمع محافظ
ده احنا مجتمع حافظ
الله يكرمكم يا اخواننا
مش عارف اللي هقولوا ده اختراع ولا ايه..بس هقوله
كل واحد فينا عنده حاجه بين كتافه كده اسمها دماغ
الدماغ دي جواها مخ
والمخ ده المفروض نفكر بيه..و نشوف ايه بيعجبنا و اللي ميعجبناش منعملوش
ويبقالنا رأي بقي و كلام كبير كده
بدل ما نترمي كلنا كده في مزبلة التاريخ..وانا اولكم
الكلام ده طبعا لو لسا مفقدناش القدره علي التمييز
اصل اللي مش بيميز مش هيحس انه قاعد في مزبله اساسا
*************************************
Utopian

50 Comments:

  • At Saturday, January 20, 2007 9:15:00 PM, Anonymous Anonymous said…

    هههههههههههههه

    بجد كلامك رائع اسلبوك كمان جميل
    صراحة شدنى قوى اسم مدونتك عند احد الاصدقاء و دخلت لقيت الموضوع ده جميل

    و انا متفق معاك بجد ... الناس مريحة الاختراع اللى اسمة الدماغ ده خالص ... يمكن خايفين من الفاتورة ؟؟؟؟
    ههههه

    المهم انا مبسوط بمعرفتى بيك

    اسيبك بقى عشان اكمل قراية ف مدونتك

    كريم

     
  • At Saturday, January 20, 2007 9:31:00 PM, Blogger Utopian said…

    كريم

    متشكر لكلامك الجميل و نورتني و اللهي

    انا سعيد بزيارتك و احب اشوفك هنا كتير

     
  • At Saturday, January 20, 2007 10:17:00 PM, Anonymous Anonymous said…

    للاسف ده بقى النمط السائد من الاغانى الهايفة لا كلام و لا وزيكا و لا مطرب واحد معاه معهد و الله اعلم لو كان معاه حاجة اصلا و مناظر رخيصة و بيرقص و النبى دا منظر راجل
    طلع من لا شيى بس العيب مش عليه العيب على الناس اللى بتسمعلو و بيجبوه فى افراحهم

    خلاص مبقاش فيه ذوق كتهم القرف لوثوا سمعنا

     
  • At Saturday, January 20, 2007 10:17:00 PM, Anonymous Anonymous said…

    للاسف ده بقى النمط السائد من الاغانى الهايفة لا كلام و لا وزيكا و لا مطرب واحد معاه معهد و الله اعلم لو كان معاه حاجة اصلا و مناظر رخيصة و بيرقص و النبى دا منظر راجل
    طلع من لا شيى بس العيب مش عليه العيب على الناس اللى بتسمعلو و بيجبوه فى افراحهم

    خلاص مبقاش فيه ذوق كتهم القرف لوثوا سمعنا

     
  • At Saturday, January 20, 2007 11:09:00 PM, Blogger Utopian said…

    ma-3alina

    العيب فعلا مش عليه

    الفلكلور المصري بيقول ان رحت بلد بتعبد العجل، حش و اديله

    ربنا يرحمنا برحمته

     
  • At Saturday, January 20, 2007 11:55:00 PM, Anonymous Anonymous said…

    اظاهر يا هندسه انه بقى قدرك
    مفيش منه هروب

    عارف انا البنى ادم اللى اسمه سعد الصغير ده بيخلى دمى يغلى بجد
    بينرفزززززززنى
    عارف لما يبقى قدامك حرامى و واقف فى قسم البوليس بكل بجاحه
    بحسه كده
    سيبك من الكلام اللى الناس بتقوله عليه و نقول طلما مفيش دليل يبقى كلام فاضى
    كلماته
    و فرقته
    و كل اللى هما فيه ده
    بس صدقنى فى امل
    انا اعرف ناس كتير اوى ابتدى البنى ادم ده ينرفزهم
    الاول كان ظاهره
    و دلوقتى الموضه بطلت
    بيقولوا احنا بننزل للاوحش
    يعنى كل لما حد يعوز يعمل فرقعه فينحدر اكتر بالمستوى و اكتر و اكتر سواء بالكلام او بالصوره
    هيجى يوم مش هيكون فى اكتر
    لانهم هيكونوا وصلوا للنهايه
    مش هيكون فى انحدار اكتر من كده

    سعتها هتقعد قدام التلفزيون تلاقى مغنى بيغنى أغنيه بالفصحى و كل اللى وراه محتشمين

    مين عارف

     
  • At Sunday, January 21, 2007 2:39:00 AM, Anonymous Anonymous said…

    بجد الله أكبر عليك، كلامك دايما مش بس بيمسني، أنا بحس أنك بتعبر عن حاجات كتير تايهة في دماغي، حبيت أوي تعبير احنا مش شعب محافظ احنا شعب حافظ واللي وجعني بجد هو موضوع مزبلة التاريخ ده .. فكرتني بكلمة مرة سمعتها مش فكرة بالظبك فين، شوارع مصر أكبر مراية لشعبها، زبالة!! بجد احنا باقينا كدة؟! لأ .. متهيقلي طول مافي مطرة بتغسل الشوارع، وكلام زي كلامك بيغسل المخاخ وينضفها، أكيد فيه أمل، مش كدة برضه :)

     
  • At Sunday, January 21, 2007 3:59:00 AM, Anonymous Anonymous said…

    معلش يا يوتوبيان يا اخويا انت عارف انا ناوي نكد من زمان :) فحاجة زي كده اكيد مش هتفوتني اعلق عليها.
    بجد احنا في طريقنا للقاع ولازم الناس تفوق قبل ما الكل يغرق وسعتها الموجة مش هتفرق معها انت معاهم ولا مع التانين
    سعد الصغير ولا غيره ده صورة بتعكس حالة المجتمع ومدي تقبله للافكار ديه .

    وموضوع التفكير ده مش هيجي بين يوم وليلة زي ما انت عارف
    بالعكس كل ما تفكر اكتر هتتعب اكتر وانت لوحدك اللي هتبقي تعبان
    والناس اللي حواليك مستغربة انت تعبان ليه ده كل حاجة زي الفل ميت.
    لا بلد بتنهار ولا حرمات بتنتهك
    ولا انت كانسان نسيت انك بتحس او بتفكر
    وبصراحة وبكل صراحة انا مش شايف ان ديه غلطة حد بعينه سؤاء شعب او حكومة
    ديه غلطتنا كلنا مع بعض
    غلطة بقالها كتير قووي
    واحنا طول الوقت بنحاول نحل جزء من المشكلة فكل ما تصلح حاجة حاجة تانية تبوظ .
    فيه حاجة ضمرت لانها مش بتستخدم زي الضمير والاحساس والمخ.
    واحب اختم حواري بكلمة دايما بقوله تدل علي موقفي
    الناس ليها حجة في الفقر لكن مالهاش حجة في النظافة .

     
  • At Sunday, January 21, 2007 7:06:00 AM, Blogger Utopian said…

    big big girl...in a big big world

    واللهي نفسي كلامك ده يحصل..بجد نفسي
    عشان كده عك اوي...واللهي بطني بتتقلب لما بشوفه هو اي حد من شاكلته
    ولا ال90 واحد اللي معاه في الفرقه و كله بيديها رقص بطريقه تنرفز

    يا ريت

     
  • At Sunday, January 21, 2007 7:15:00 AM, Blogger Utopian said…

    بنت الحياه

    مبسوط انه عجبك و زعلان انه وجعك

    واللهي ياريت ننضف، ساعات يستغرب الناس لسه قادره تتفاءل ازاي ..بس لازم يكزن فيه تفاؤل برضه

    أكيد فيه امل :)

     
  • At Sunday, January 21, 2007 7:18:00 AM, Blogger Utopian said…

    pragmatic

    الناس ليها حجة في الفقر لكن مالهاش حجة في النظافة .

    عندك حق طبعا

    بس انت عايز جنازه و تشبع فيها لطم طبعا:)
    يعني لما اكون متفائل تكئبني
    و لما اسودها تقوللي امين :)

     
  • At Sunday, January 21, 2007 12:47:00 PM, Anonymous chico said…

    معلش ياابتوبيان حنعملب ايه فى شعب مصرى عاوز يخرج من همومه وخلاص علشان كده بيسمعوا لنوع ده من مغنين وخد بالك ان تقريبا تلات اربه شعب مصرى شعبيين علشان كده انت بتتكلم فى ايه كلوا عاوز يخرج من فقر اللى هوا فيه ويسمع اغانى دى ويعمل دماغ هلوسه ..مدونتك حلوه اوى ومرسى لانك نورت مدونتى

     
  • At Sunday, January 21, 2007 1:19:00 PM, Blogger Utopian said…

    chico

    علي فكره انتشار الاغاني دي متماشي مع انتشار البانجو و الحشيش

    كله هروب من الواقع و كله بيعمل دماغ

    نورتيني و متشكر لكلامك الجميل

     
  • At Sunday, January 21, 2007 7:29:00 PM, Blogger saso said…

    :)
    عندك أمل تكتب حاجة بعيد عن البلد؟
    انا من قبل العيد ناوية اكتب حاجة مش غم..شفت النتيجة !!!عارف كان في موضوع من فترة عن إحنا شعب متدين إحنا شعب اخلاقي...بعد نص ساعة من التركيز في السكرين تفكر جديا المسافة من هنا لحدود السودان تطلع قد ايه

    المهم.امبارح كنت قاعدة مع العيال وفي خطوبة او فرح او حاجة فرايحي في عمارة قصاد الكافية كام أغنية من العلامة عماد بعرور واخواتة وفجأة في عز أغاني"الهلس"علي رأي ماما تطلع اغنية اسمها اية بقي.. إجرح!! وكلها نكد وعياط واهات في الاخر وحاجة تفرح!!!مفيش حد اعترض علي النكد ده في فرح
    تقريبا يا يوتوبيان محدش بيسمع اصلا المهم الموود ..الله يسامحة اللي اخترع حكاية ان البلاوي دي بتفرفش وتريح

    حاجة تانية تغيظ..اية الحكمة في حشر القصايد والأغاني القديمة وتخريبها وخلاص مفيش كلام جديد قالوا يبوظوا القديم وبس؟
    ماعلينا ..تعالي نحاول نغير الموود حبة كده غلط علي صحتنا

     
  • At Sunday, January 21, 2007 8:57:00 PM, Anonymous Anonymous said…

    يعنى هى جت على جملة بعرور بس يا يوتوبيان .. اومال باقى البلاوى تروح فيييين
    البناجو ده مش بتاعى
    والبلح البلح
    والسمك السمك
    ولا الاغنية الزبالة بتاعة عبد الباسط حمودة ومش هقول اسمها عشان اسمها لوحده عيب اساسا فمابالك باللى جوا
    والعنب العنب شالوا منها جمل قذرة كتير عشان ينفع تتحط فى فيلم ولك ان تتخيل
    واغنية سعد بتاعة النهاردة فرحى يا جدعان
    وكل البلاوى اللى بتتغنى ده كانت السبب فى اللى حصل فى العيد الصغير فى السنيمات.. ودى اللى اتعرفت وما خفى كان اعظم
    إن احنا نقول ان البلد باظت دى كلمة بجد قليلة اوى
    تقدر تقول كدة مافيش بلد من اساسه عشان تبوظ
    حسبى الله ونعم الوكيل
    سلام

     
  • At Sunday, January 21, 2007 9:01:00 PM, Anonymous Anonymous said…

    عارف ياعمرو ساعات بحس اننا لو دخلنا مزبلة التاريخ هنوسخها

    تصور ؟

    انا النهاردة سمعت اغنيه اركب الحنطور بتاعة سعد الصغير و كنت ليه ن يومين سامعه اغنيه للطماطم باين

    لقيتنى بقول مين اللى بيكتب اللام ده و ايه ناقص ما اتكتبش

    بس العيب مش ع اللى بيكتب الكلام ده
    العيب ع اللى عايز يسمعه

     
  • At Sunday, January 21, 2007 11:34:00 PM, Blogger Utopian said…

    saso

    فعلا محدش بيسمع حاجه..الناس بقت مكسله تفكر في اللي بتسمعه..

    طي بزمتك في اكتر من ان دي جي متخلف يشغل في فرح اغنيه وائل جسار..اعذريني يوم زفافك!!!
    حصلت قدامي

    واللهي عندك حق..نفسي اكبر دماغي شويه عشان بدأت تتعبني و بدأت احس ان دمي بقي تقيل قوي

    طب ممكن نعمل ايه؟!؟

     
  • At Sunday, January 21, 2007 11:37:00 PM, Blogger Utopian said…

    human

    منا عارف انها منظومه تدني متكامله ما شاء الله
    بس ادينا بنفضفض مع بعضينا يا ياسمين
    عشان احس اني مش لوحدي اللي متضايق علي الاقل
    :)

     
  • At Sunday, January 21, 2007 11:41:00 PM, Blogger Utopian said…

    حره

    تفتكري؟؟
    يعني مش هنلاقي مكان في المزبله كمان؟؟

    لا حول ولا قوة الا بالله

    اهو مش خايف غير من اللي ناقص ده يا ياسمين و اللهي

    علي فكره...حاسس اني اليومين دول عمال اخسر حبة التفاؤل اللي كنت محوشهم و ده مش خلو خالص!!!

     
  • At Monday, January 22, 2007 2:37:00 AM, Anonymous Anonymous said…

    الفنون هى المرآه العاكسة للشعوب
    الفنون زى المسرح و السينما و الموسيقى و المعمار
    طبعا لما تبص للفنون ( مش مقتنعة أنها لسة أسمها فنون فى مصر ) حتلاقى أن الشعب المصرى وصل للقاع و معتقدش أن فىيه إنحدار أكتر من كدة
    و المصيبة أن زى ما لما يستضيفوا المنتجين و خلافهم يقولك الجمهور عايز كدة!
    مش عارفة أنهى جمهور دة و أنهى ناس؟؟؟؟
    حسبى الله و نعم الوكيل

     
  • At Monday, January 22, 2007 7:29:00 AM, Blogger Utopian said…

    hebaz

    عارفه...فكرتيني بموضوع "القله المندسه"..و المشكله ان الواحد عمره ما بيقابل حد من القله المندسه دي

    ربنا يرحمنا برحمته ان شاء الله

     
  • At Monday, January 22, 2007 10:28:00 AM, Blogger saso said…

    اةة في حد قاللي موضوع يوم زفافك دة..واللي يغيظك تقعد مع حد عارف انة عاقل وكويس ولسة سامع معاك مارسيل وأميمة وفجاة تلقي البلاي ليست قلبت مسخرة
    لية كده يا بنتي ..حلوة بتفرفش
    باين العيب فينا احنا علشان بنتنكد مش بنفرفش

    نعمل ايه بقي دي لسة بافكر فيها..احتمال ارجع العب يوجا..ولو اننا محتاجين كونج فو علشان نهدي
    :)

     
  • At Monday, January 22, 2007 11:19:00 AM, Blogger whyme said…

    صديقى العزيز انت بتكلم مين

    احنا بقينا شعب شعارنا التغييب والى بيعمله سعد شئ عادى جداً فى وقت محدش فيه بيسمع و لا بيفهم وقت الكل فيه بيتحرك بس على صوت الصفاره وقت بقينا فيه زى القطيع
    سعد يرقصنا و صفاره تلمنا و شعار غبى نتوحد تحته و طلقه تفرقنا و عجبى
    و هيـــــــــــــه

    تحياتى

     
  • At Monday, January 22, 2007 12:01:00 PM, Anonymous Anonymous said…

    لا بقى خليك متفاءل علشان تعيش
    ده انت كنت محسسنى ان مصر هتتغير هتتغير
    ماتتراجعش علشان انت كنت شمعة منورة امل لناس تانيه وراك

     
  • At Monday, January 22, 2007 4:36:00 PM, Anonymous Anonymous said…

    يوتوبيان انت شمعة تحترق من اجل الاخرين

     
  • At Monday, January 22, 2007 6:27:00 PM, Blogger Utopian said…

    saso

    منا بقول ان المشكله الكبيره انه فيروس و للاسف مش فارق لا مستوي اجتماعي و لا فكري ..نسبيا طبعا.. الناس مقضياها و السلام

    انا لسه مش عارف بقي بصراحه!!

     
  • At Monday, January 22, 2007 6:36:00 PM, Blogger Utopian said…

    whyme

    مش عارف اقوللك ايه بصراحه

    بس كده بقي ايه النظام طيب؟
    نقفلها و نروح ولا ايه؟

     
  • At Monday, January 22, 2007 6:37:00 PM, Blogger Utopian said…

    حره
    :)

    ان شاء الله هتتغير

    هحاول ارجع جرعة التفاؤل اللي كانت عندي
    يا مسهل يا رب

     
  • At Monday, January 22, 2007 6:38:00 PM, Blogger Utopian said…

    Anonymous


    يا خوفي لحسن اتحرق انا و الاخرين!!!

     
  • At Monday, January 22, 2007 10:11:00 PM, Anonymous Anonymous said…

    و اغنيه دي عيله واطيه وكدابه و بحبك يا حمار عيا جت على كد خلاص احنا لبسنا السلطنيه وبقينا الاجه و صباحو سلبيه بقا
    تحياتشي

     
  • At Monday, January 22, 2007 10:34:00 PM, Anonymous Anonymous said…

    يا باشمهندس أنا حاسس انك ومعاك الناس اللى ساكنين فى الأدوار اللى فوقى دول مكبرين الموضوع زيادة عن اللزوم..كلام الأغانى ده منطقى جدا وانتو اللى دماغكم بتفكر فى حاجات قليلة الأدب ..الراجل بيقول ابقى تعال بالليل وهاوريك الويل..يعنى هاوريك ظابط أمن مركزى..أو هاوريك صورة الريس .. متقال طبعا..والراجل بيقول بحبك يا حمار .. يا عم الراجل بيشكر فى واحد من عيلته انت مالك؟..وكمان أغنية السمك وللا العنب مالهم كمان؟ الراجل عمل اللى عليه.فتح باب للنقاش الجاد حول ماهية هذا السمك أو العنب..الراجل بيطرح قضية يا جماعة يا ظلمة..
    أما بالنسبة لأغنية الواد قلبه بيوجعه فأنا بصراحة ما بسمعهاش..أنا باتفرج عليها سايلنت بس..

     
  • At Monday, January 22, 2007 10:42:00 PM, Blogger Utopian said…

    memo

    منا عارف ان الخير كتير و الحمد لله :)

    سيبك انتي..بكره هتبقي منجه ان شاء الله

    نورتيني و تحياتشي انا كمان

     
  • At Monday, January 22, 2007 10:46:00 PM, Blogger Utopian said…

    أخف دم

    تصدق صح...انا بس اللي خيالي المريض مصورلي حاجات مش كويسه
    loool

    يا عم سيبنا نفضفض مع بعضينا

    و بتتفرج عليها سايلنت ليه يا لئيم؟
    أكيد برضه عشان تفكر في القضيه اللي بتناقشها بهدوء
    :D

     
  • At Tuesday, January 23, 2007 1:20:00 AM, Anonymous Anonymous said…

    انا الحقيقة مسمعتش بعرور علشان احكم
    انما سعد الزغنن دا حاجة تشمئز منها النفس يعني
    بس انا اول ما قريت و انا اوريك الويل جه في بالي يعني انه بيستحلف له بالويل و الثبور و عظائم الأمور
    طب شفت بأة انت بتلفت نظرنا ازاي لحاجات تانية :)
    و عموما لو افترضنا ان البلوجرية اللي فوق دول عينة عشوائية تمثل شريحة ما من المجتمع افتكر يبقي فيه أمل
    و لا ايه؟
    نايس بلوج بالمناسبة

     
  • At Tuesday, January 23, 2007 10:04:00 AM, Blogger Utopian said…

    نمنمايه

    واضح ان انا اللي نفسي مريضه و بفهم كل حاجه بطريقه مش كويسه :)

    يا كسوفي.. واضح ان الراجل كان عايز يوصل رساله من خلال الاغنيه بس تعملي ايه بأه في الناس اللي مش كويسه
    loool

    انا شايف ان فيه امل بس لو بدأنا نكلم الناس لأن واضح ان كل الناس اللي علقت علي البوست رأيها واحد..يعني انا مأثرتش في حد بكلامي

    أمال مين بأه اللي بيسمعوه و بيدخلولوا أفلام..أكيد مش احنا

    مبسوط بأول زياره ليكي.ابقي تعالي

     
  • At Tuesday, January 23, 2007 10:35:00 AM, Anonymous Anonymous said…

    جامدة قوي التدوينة دي عارف والله ياعمنا ولا ليك علي حلفان انا كنت هاموت من الغيظ وانا شايفة الناس رايحة تدخل افلام فيها السخص ده اللي اسمع على قد مقامه بس نعمل ايه في منتجين السينما يارب ربنا يخليه يقوم ويصحى يلاقي نفسه واحد تاني عشان يرحمنا من كلامه الغريب وافيهاته البايخةةةةةةةةةةةةةةةةةة

     
  • At Tuesday, January 23, 2007 10:41:00 AM, Blogger Utopian said…

    بنت امي الغاليه

    ايه النور ده
    اعذريني مش فاكر اسمك بس اللي عارفه كويس انك زوجة البراء..صح؟

    اصله مش بيبطل كلام عنك في المدونه بتاعته
    ربنا يخليكو لبعض يا رب

     
  • At Tuesday, January 23, 2007 10:47:00 AM, Blogger Utopian said…

    بنت امي الغاليه

    اللي يفرس اي بني ادم محترم فعلا ان واحد زي ده يبقي شخصيه معترف بيها في المجتمع ليه كينونه و ليه رأي
    ويصدق نفسه هو كمان و يقول ان الفن رساله و عايز يوصلهالنا واحد واحد

     
  • At Wednesday, January 24, 2007 11:19:00 AM, Anonymous Anonymous said…

    مينفعش متكتبش حاجة غير العيشة المنيله والمهببة الى ف البلد

     
  • At Wednesday, January 24, 2007 11:36:00 AM, Blogger MAKSOFA said…

    دوست علي الوجع

     
  • At Wednesday, January 24, 2007 11:58:00 AM, Blogger Utopian said…

    شاب اسكندراني

    علي رأيك...الواحد نفسه غامه عليه من اااااااا....؟
    واللهي منا فاكر
    بس من ساعة ما فهمت!!!

     
  • At Wednesday, January 24, 2007 12:00:00 PM, Blogger Utopian said…

    famous maksofa

    اصل كل حته فيها وجع...فمن الواضح ان اي خطوه هندوس فيها علي وجع

    انتي جريئه اوي

    تحياتي

     
  • At Wednesday, January 24, 2007 12:21:00 PM, Anonymous Anonymous said…

    فعلا بقيت حاجه تقرف
    ولا عزاء للذوق الرفيع

     
  • At Wednesday, January 24, 2007 12:34:00 PM, Blogger Utopian said…

    dalia

    كلنا قرفانين و الحمد لله
    :)

     
  • At Saturday, January 27, 2007 12:08:00 AM, Anonymous bio_e said…

    besara7a yr words we afkarak betfakrny be zameel 2deem ..we law kont enta fe3ln fa ana mabsota enk la2eet eltare2a ele te3abar beha 3an ra2yak a7'eern..

     
  • At Saturday, January 27, 2007 10:04:00 AM, Blogger Utopian said…

    I'm not sure who am i speaking to..but this (bio) thing isa notification :)

    thanks for ur nice words

    Regards

     
  • At Saturday, January 27, 2007 4:22:00 PM, Anonymous bio_e said…

    tefteker elmoshkila en e7na mosh 3rfeen nesta7'dem el27'tera3 ele esmoh elmo7' wla 3arfeen we mistahbelen ..gayez 7'ayfeen...

     
  • At Saturday, January 27, 2007 10:54:00 PM, Blogger Utopian said…

    bio_e

    ana shayef en howwa
    2ellet fahm
    w 2ellet seka
    w 2ellet 2eman bellah

    te2dary y2ooli en howwa en3edam fahm lma3na el 7ahah 2aslan w 2emetha..w salbeyya mokanna3a wara2 el gary wara lo2met el 3esh

     
  • At Saturday, January 27, 2007 11:54:00 PM, Anonymous bio_e said…

    ana ma3ak eno elet fahm..we elet seka ..we fo2 da kolo elet eman be ALLAH...el7'of min enna law fakrna mn3rfsh newageh wla ne3'ayar 7awalina wla 7ata fe nafsena..7ata ba2ena ne7'af na3tref enena 7'ayfeen...we 3la ra2y ele 2lll 7'ayef a2ol ele fe nefse(bas sebak howa alha laih :))..elmoshkila el2kbar en m7desh 3ref howa aih ele nefso feh..we 3agaby..

     
  • At Sunday, January 28, 2007 8:07:00 AM, Blogger Utopian said…

    الخوف بييجي من عدم الشوف

    سمعتي اغنية "حاحا" بتاعة الشيخ امام و احمد فؤاد نجم
    بتلخص مشكاتنا كلها فعلا

    اللي خايف بيبقي مش عارف
    هو خايف من المجهول
    الجهل بمعني اصح هو السبب
    محدش بيخاف من حاجه هو عارفها

     

Post a Comment

<< Home