Saturday, January 06, 2007

مصر....و نظرية الشبه


مصر بلد يتمتع بكينونة خاصة بين كل دول المنطقة، بل كل دول العالم.و كذا المواطن المصري، فهو ذو طبيعة خاصة جدا جدا. قد تشعر أن هذه الكلمات هي مقدمة لخطبة مسؤل كبير، أو فا تحة برنامج تليفزيوني لكن باقي الحديث لن يكون بهذه التقليدية علي الاطلاق.....

ان ثقافة الفهلوه و حب الذات و الانانية، و قبل هذا و ذاك عدم مراقبة الله في أفعالنا قد جعلت كل شيء لدينا مشوها. فنحن نحاول أن نبني أنظمة مما ثلة لما يحدث في سائر بلاد العالم، لكننا لا نبذل قصاري جهدنا،نكتفي فقط بالشبه
ففي مصر لدينا تعليم جامعي كما هو الحال بالخارج. لكنه ليس كما يجب أن يكون.. مجرد شبه. في مصر لدينا حكومة و برلمان كما هو الحال بالخارج. لكن ليس آما يجب أن يكون.. مجرد شبه. في مصر لدينا ديموقراطيه كما تسمي كذلك بالخارج. لكن ليس كما يجب أن يكون.. مجرد شبه. في مصر لدينا ملاعب لكرة القدم، و لاعبي كرة قدم. لكن ليس كما يجب أن يكون.. مجرد شبه.
ويبقي محصلة كل ذلك، شبه مواطن و شبه دوله.....علاهما اثار التشوه
---------------------------------------------
يا مصر بحبك و بعشق ترابك....بس ترابك دخل في عيني
********************************
Utopian

32 Comments:

  • At Saturday, January 06, 2007 1:49:00 PM, Anonymous Anonymous said…

    ده انت مصر واجعاك اوى

     
  • At Saturday, January 06, 2007 1:54:00 PM, Anonymous Anonymous said…

    عارف ياريتنا كمان بنقلد الحاجات اللى تنفعنا لا احنا بناخد كله من برة بصورة سطحية و خلاص

    بس القضيه ان مفيش عندنا سايسة الاتقان الواحد بيعمل شغله تأدية واجب لو عمله

    اكيد فى نماذج مشرفة فى مصر و بتعمل اللى عليها ما هو مش كل البلد زبالة
    بس القضيه ان الناتج العام بيدل على ان العناصر الغبية كتير

    اعتقد الحل فى ان الحد يحب اللى بعيمله علشان يدى فيه و يتقن فيه كمان و يعلا تحس ان سقف طموح اللى بيشتغل انه يكون بنص جودة شغل برة مثلا باعتبار احنا فين و هو فين بس لو المعايير اختلفت و الهدف بقى اننا نعلا هنعلا
    الناس بس تشيل الصدا من ع الدماغ و نطلع احلى شغل

    بس ده امتى ؟
    ده كله ييجى بعد ما النظام او الاشخاص يحسنوا اختيار الافكار و الحاجات اللى هيدوسوا فيها
    مش مجرد تقليد و خلاص
    هم عندهم يبقى احنا لازم يكون عندنا
    مش مهم معندناش امكانيات
    مش مهم معندناش مناخ
    المهم نقول واحنا كمان

    _____________________

    هو انا خرجت م الموضوع ؟
    و للا لسه فى السياق بتاعه ؟

    طب كده كفايه احسن اطلع بعك
    امشى بكرامتى و أقرا الرد الاول

     
  • At Saturday, January 06, 2007 1:55:00 PM, Anonymous Anonymous said…

    بيتهيألى ما عكيتش اوى يعنى
    مش بطال
    :)

     
  • At Saturday, January 06, 2007 2:04:00 PM, Anonymous Anonymous said…

    الى مودينا فى داهية مفاهيم " يا عم كبر "
    و " يا عم أقلب " و " أنا و من بعدى الطوفان "
    كلام كتير و فعل مفيش

     
  • At Saturday, January 06, 2007 8:19:00 PM, Blogger Utopian said…

    حره

    هو انا محروق اوييييي
    بس بحاول اغير...في نفسي و في الناس اللي تخت ايدي في المكان اللي بشتغل فيه
    ده اللي اقدر اعمله دلوقتي
    ------------------------
    واللهي انا شايف ان الموضوع اكبر من كده
    وكل حاجه منفده علي التانيه
    مهو مينفعش استني شغل بضمير من واحد بياخد 300 جنيه ولا 500 جنيه في الشهر و قاعد في مكان ميشجعش علي الشغل اصلا
    واطلب منه ييجي في معاده والزحمه زي مانتي شايفه
    كل الطرق تؤدي الي روما

    واهم من ده كله ان الناس اللي ماسكه البلد يبقي فعلا قلبها علي البلد

    ان كان رب البيت بالدف ضاربا......

    ------------------------

    معكيتيش ولا حاجه
    :)

    وبعدين متقلقيش..مفيش حد غريب
    دول اصحابنا البلوجاتيه

     
  • At Saturday, January 06, 2007 8:21:00 PM, Blogger Utopian said…

    hebaz

    زي ما قلت ل انا حره

    الموضوع محتاج اننا ندور علي الاسباب الجذريه و نحلها
    -----------------
    مشفناكيش بقالنا كتير
    :)

     
  • At Sunday, January 07, 2007 1:21:00 AM, Anonymous Anonymous said…

    تحياتي لصاحب نظرية الشبه في ارض المهجر

     
  • At Sunday, January 07, 2007 1:45:00 AM, Anonymous Anonymous said…

    يا مصرى ليه دنياك لخابيط و الغلب محيط و العنكبوت عشش ع الحيط و سرح ع الغيط
    يا مصرى قوم هش الوطاويط كفاياك تبليط, صعبة الحياة و الحل بسيط حبة تخطيط
    فتحت باب إستيرادك و صرفت فوق ضعف إيرادك حلى للخواجة استقراضك سابك بتقرا فى أورادك و ده أشطك و نزل تشفيط
    ومهولاتى تحب تزيط ساعة الفرح زغاريط تنطيط وفى المياتم هات يا صويت و فى المظاهرة تسخن تشيط و فى الأنتخاب تنسى التصويت
    وليه بترشى وتتساهل و تبيع حقوقك بالساهل تستاهل النار تستاهل يا غويط و يحسبك الجاهل ساهل و ساهى و غبى و عبيط
    يا مصرى ياللى الغلا عصرك و النهب فى عصرك حصدك, قوم للحياة و أسبق عصرك و لا حاجة هترجع مصرك إلا ان تكون شغال ونشيط

     
  • At Sunday, January 07, 2007 1:46:00 AM, Anonymous Anonymous said…

    أهة عم سيد حجاب لخص كل ما يميز المصرى فى الأغنية دى..وهو قال المفيد فيها

     
  • At Sunday, January 07, 2007 10:26:00 AM, Blogger Utopian said…

    Pragmatic

    تحياتنا لبيسو افندي في اسقع حته قي
    الدنيا
    :)

     
  • At Sunday, January 07, 2007 10:28:00 AM, Blogger Utopian said…

    white seagull

    اغنيه جميله جدا و فعلا معبره جدا جدا
    :)

    توب علينا ياااااا رب

     
  • At Sunday, January 07, 2007 10:29:00 AM, Blogger Utopian said…

    white seagull

    دي علي الحجار غناها تقريبا

    صح؟؟؟

     
  • At Sunday, January 07, 2007 3:13:00 PM, Anonymous Anonymous said…

    اغنية يامصرى بتاعة على الحجار بس مش كلمات سيد حجاب دى كلمات جمال بخيت او اسم شبه كده
    و الاغنيه فعلا معبرة

     
  • At Sunday, January 07, 2007 3:20:00 PM, Anonymous Anonymous said…

    hi again,
    yasmine ya masry kalemat sayed hegab im sure of that..

     
  • At Sunday, January 07, 2007 3:43:00 PM, Anonymous Anonymous said…

    Hi utopian

    Totally agree wz u ..

    el plog bta3ak gamel awi w afkarak gamela awi ..

    rabenna ykattar mn amthalak fel balad de .. w yqalel mn sa3n el so3'ayar w 3mad ba3ror ;)

    Ameeen

    pleased to meet u

     
  • At Monday, January 08, 2007 12:50:00 AM, Blogger Utopian said…

    white seagull, انا حره

    منورني و اللهي

    بس ارسولنا علي بر

    بس white seagull
    شكلها واثقه اوي

    يبقي سيد حجاب :)

     
  • At Monday, January 08, 2007 12:54:00 AM, Blogger Utopian said…

    ihapoof

    نورت البلوج بتاعي يا ايهاب

    متشكر علي الكلام الجميل ده

    ربنا يسمع منك خصوصا موضوع سعد و بعرور ده
    بجد حاجه تقرف

    سعيد بزيارتك جدا و ارجو ان تتكرر

     
  • At Monday, January 08, 2007 2:53:00 AM, Anonymous Anonymous said…

    عارفين يا جماعة الاحلي من اللي يوتبيان كاتبه ايه
    ان كل مسؤل وكل واحد يطلع في التلفزيون يقول مفيش مشاكل خالص
    كل حاجة تمام يا ريس وسعات كتير بتحس انك انت اللي غلط
    ليا صديق عنده مشكلة في الميه
    المية بتنزل سودة من الحنفية
    طلع مسؤل في التلفزيون
    والناس كلمته في التليفون يشتكوا من الميه
    الراجل بكل بجاحة قال المية زي الفل دلوقتي
    المهم صاحبي العبيط صدق وقام يفتح الحنفية
    لقها بتنزل ميه سوادء
    احتار قال يعني الحكومة هتكذب يعني ؟؟
    المهم قال اكيد المشكلة من عندي انا
    راح جاب سباك علشان يتاكد
    الراجل قاله الميه جاية كده من المسورة الرئيسة كده
    صاحبي انهار وقعد يشتم
    اكتشف اخيرا ان كلامي صح
    واننا عندنا هواية اننا نكدب علي بعض او نضع رؤسنا في الرمال

     
  • At Monday, January 08, 2007 3:17:00 AM, Anonymous Anonymous said…

    بالمناسبة عايز حد يحلي المعادلة ديه
    المفروض ان شاب في بداية حياته يتجوز
    مطلوب شقه ب150 الف جنيه وعربية 50 الف وفرح ب30 الف وجهاز ب50 الف
    يبقي كام المجموع 250 الف تقريبا
    يعني ربع ارنب
    ازاي وانت شاب صغير اخرك بتقبض 1500 ده لو انت ميه ميه
    تصرف 500 اكل وموصلات وهتخرج مرة واحدة مع اصحابك في الشهر
    يبقي يا حلو عايز 250 شهر
    علي 12
    يبقي الحل ايه ؟؟؟؟؟؟؟؟؟؟؟؟؟؟؟؟؟؟
    وبعد كده نقول الشباب محبط ليه ؟؟؟
    الولد مش لاقي فلوس علشان يصون نفسه
    البنت مش عارفة تعمله ايه علشان يجي يتقدملها؟؟؟؟؟؟؟؟؟؟
    احنا بقينااااااااااااااااا
    وحشييييييييييييييييين قووووووووووووووووووي
    انا شكلي هعزل من هنا قريب واجيب مكاني حد ايجار جديد لحد عايز ينتحر

     
  • At Monday, January 08, 2007 3:54:00 AM, Anonymous Anonymous said…

    يقال ان رجلا ذهب للمدينة الفاضلة
    تاه فيها علشان منظمة وكل حاجة واضحة . وهوا ماش بمبدا اكيد الدنيا مش سهلة كده اكيد فيه انه بتاعت اعلان موبينيل .واخير وجد رجل طيب عجوز فسئله الرجل :انا تايه يا عم الحج ممكن تقولي اروح اتعلم الفضيلة فين
    لحسن انا تايه من الصبح . تعجب الرجل وقالوه ما هي اليافطة مكتوب عليها تروح ازاي ؟
    قاله معلش اصل انا جاي من بلد بتعمل اليفطة بالعكس لو مشاورة علي اتجاه تروح عكسه . وبدون تفكير اجاب الرجل يبقي انتي اكيد من مصر بس عجيبة انا اول مرة اشوف حد من مصر عايز يتعلم الفضيلة انت عيان يا ابني ؟
    الرجل : اه بصراحة عندي مرض اسمه حب مصر وقالولي عمرك ما هتخف منه الا اذا تعلمت الفضيلة في مركز الفضيلة بتاع اليوتوبيا
    قال له العجوز : بس ده السكة طويلة قوي وبعدين اللي انا عارفه عنكم ان كان فيه مراكز للفضيلة كتير في مصر ايه اللي حصل لها
    الرجل :الاحوال اتغيرت والدنيا حالها اتشقلب كله فتح مترو وسينيبري يا عم الحاج اخر 30 سنة الدنيا باظت خالص
    العجوز : قطعت قلبي يا ابني والله طيب ما تستورد مركز للفضيلة من الصين علي الاقل سعره علي قد حالكم خصوصا انكم مش بتعمولوا اي حاجة بايديكم ده حتي سجاجيد الصلاة والسبح يا راجل يا مؤمن بتجيبوها من الصين
    الرجل وهوا يحمر من الخجل :معلش بقي يا عم الحج انا تعبان قوي ومش ناقص كفاية اللي انا فيه
    العجوز : ايه اللي حصلك ؟
    الرجل :اصل السكة كانت طويلة قوي وحصلي شوية حوادث سريعة في الطريق انت عارف انا ماشي بقالي 30 سنة حصل خلالهم مش اقل من مليون حادثة عربية علي ربع مليون حادثة قطار علي 100 الف اتوبيس ينط في النيل علي شوية سفن وطيارات وقعوا عادي يعني حاجات بتحصل كل يوم
    العجوز :فعلا معاك حق في اوربا والدول المتقدمة بيطلوبوا مع الكباب سلطة
    الرجل : يعني ايه اوروبا ده مطعم جديد لحسن انا بقالي 300 سنة جاعان
    العجوز : حرام عليك يا ابني وايه اللي مصبرك كل ده وما تاكل
    الرجل بعد تفكير عميق : ازاي اكل
    انا مش عندي ارض زراعية خالص ده حتي كيلو البطاطس بقي ب5 جنيه
    والمرتب 100 جنيه ده طبعا بعد الزيادة اللي الحكومة بتحطها
    الناس عارفة حالنا برضه
    العجوز بعد شهقة نفس طويلة : ازاي مش عندكم ارض زراعية ما تزرعوا قمح يا اخي يقضيكم بدل الحاجات الي انتوا شغالين فيها ومش فاهمين فيها حاجة خالص
    الرجل وهوا يزداد احمرار من الخجل : معلش بقي يا عم الحج سيبها لله
    وهيا هتمشي وتبقي ميت فل واربعتاشر
    متحبيكهاش انت بس
    العجوز : احبيكها ايه يا ابني انتوا مش حاسين المصيبة اللي انتوا فيها ولا عالم عبيطة ولا هابلة
    ده انتوا مش عندكم لا تعليم ولا صحة ولا جيش و بوليس ولا اي بنية تحيتية ولا صناعة ولا تجارة . انتوا عايشيني ازاي فهمني
    الرجل :معلش احب اؤكد لسيادتك اني مش تحيته اي حاجة خالص (اصلا انا مش عارف يعني ايه بنية تحتية لكن بفتي وخلاص ما فيه 70 مليون مفتي غيري اشمعني انا )
    وكل حاجة في التمام بس احنا مش بنقول لحد علشان الحسد خصوصا الدول الفقيرة زي امريكا واسرائيل وحتي فنلندا
    انت عارف عين الحسود فيها عود يا حلاوة
    العجوز وهوا ينزع شعرا من راسه :
    يابني ايه اللي حصلك انت مخك اتمسح مش بتقراء جرايد ولا بتتفرج علي اي حاجة مفيدة تنضف مخك شوية دي فنلدنا عارفها بتاعت الموبايلات اقتصادها قد الدول العربية كلها
    الرجل : طبعا يا باشا انا برنس في كل حاجة او ما اصحي الصبح اصتبح بوش الست نانسي عجرم وهي بتقول اخاصمك اه كل حاجة تبقي حلوة
    واول ما يجي ماتش في التلفزيون انزل الشارع واكسر الدنياو واحرق اي حاجة تعبيرا عن الفرحة بتاعتي
    العجوز وهوا يبكي : طيب بلاش كل ده انت جيت هنا ليه ؟
    الرجل : زي ما قولتلك علشان اتعلم الفضيلة
    العجوز :طيب يابني روح زي ما اليافطة كاتبه واكيد هنقعد نتكلم مع بعض كتير شكلك ابن ناس والله بس الدنيا خنقت عليك وانت استهبلت فيها وعجبك الحال
    صحيح يا ابني انت مقولتيش اسمك ايه
    الرجل : انا اسمي المواطن المصري
    ثم ترك المواطن المصري الرجل العجوز وذهب لمركز الفضيلة .............
    وللحديث بقية ان شاء الله فيما بعد

     
  • At Monday, January 08, 2007 6:37:00 AM, Blogger smraa alnil said…

    هو انت يعني لازم تحسرنا علي حالنا اكتر من كدة
    عارف البوست دة بيفكرني بايميل جالي قبل كدة بيوضح ان الفرق في حيانت هي نقطة
    ممكن تكون نقطة فاصلة وممكن تكون نقطة مش مهمة
    بس اهي نقطة
    انا هحاول اقربلكم الاميل بطريقتي

    الفرق بين العرب والغرب نقطة
    اد ايه نقطة صغيرة بتفرق اوي
    بينا كمان وكمصريين وبينهم
    بنقول عليهم شعل الله المختار واحنا بقينا شعب الله المحتار
    وبرضه الفرق نقطه
    هما بيفكروا باستغلال الشعوب
    واحنا بنفكر في استقلال الشعوب
    تفتكر اني هي النقطة
    هما قدروا يعملوا بينهم وبين بعض تحالف
    واحنا بينا وبين بعض عملنا تخالف
    وبرضه الفرق نقطة
    المواطن عندهم 100% وضعه مزبوط
    واحنا عندنا المواطن 100% وضعه مربوط
    وبرضه الفرق نقطة
    يعني من الاخر
    سمعني علي احلي سلام وانا وانت يا جدع

     
  • At Monday, January 08, 2007 2:50:00 PM, Anonymous Anonymous said…

    انت بتشكك فى كلامى
    مش عارفه بقى انا اعرف من زمان انها كلمات حد اسمه حاجه بخيت
    والكلام ده قالهولى قبل كده واحد حافظ كل اغانى على الحجار
    بس لو نورا عندها مصدر تانى يبقى الله اعلم بقى

     
  • At Monday, January 08, 2007 5:18:00 PM, Blogger whyme said…

    دى مش ثقافة الشبه دى ثقافة الاستسهال فى كل شئ و ان ازاى نستفيد من كل حاجه من غير منفيد فى اى حاجه و ان الشاطر هوه الى يستنزف المكان الى شغال فيه وياخد كل الى من حقه و الى مش من حقه من غير ميدى اى حد حقه

     
  • At Tuesday, January 09, 2007 12:13:00 AM, Anonymous Anonymous said…

    يا مصر بحبك و بعشق ترابك..بس ترابك جه فى عينى
    يبقى الحل ايييه؟؟
    تقوم تغسل عنيك زى الشاطر و تحاول تفتح تانى
    بس بلاش تستخدم الحنفيه اللى حكوا عليها بتنزل ميه سوده
    لحسن هى مش ناقصه
    عارف
    سعات بحس اننا من رحمة ربنا بينا انه خلق لينا الامل جوانا
    حتى ان كان كل شىء ..جميل زى كده بس بنقول بكره احلى من النهارده
    علشان نقدر نعيش لبكره
    بنضحك على نفسنا جايز
    للاسف احنا بقينا عارفين
    الجهل كان نعمه
    لكن كبرنا و عرفنا الحقيقه و حال البلد و حال الامه و حال الكوكب و حالات كتير
    ربنا يكملها علينا بستره

     
  • At Tuesday, January 09, 2007 8:21:00 PM, Blogger Utopian said…

    pragmatic

    مش عارف يا اخي
    بس الحقيقه منك ليها طعم تاني خالص

    واقع الصدمه
    ---------------

    متشكر أوي علي الاهتمام

     
  • At Tuesday, January 09, 2007 8:23:00 PM, Blogger Utopian said…

    حره

    معلش بأه بس انتو لخبطوني بصراحه
    بس انا سألت شخص اخر و قاللي سيد حجاب

    ما علينا..مش هنخسر بعض يعني

     
  • At Tuesday, January 09, 2007 8:25:00 PM, Blogger Utopian said…

    samraa alnil

    معلش..بس لازم نعرف الحقيقه كامله

    مش الغرض جلد الذات
    الغرض معرفة الذات معرفه كامله

    بس برضه هسمعك احلي سلام
    :)

     
  • At Tuesday, January 09, 2007 8:26:00 PM, Blogger Utopian said…

    whyme

    لا استطيع سوي التصديق علي كلامك
    :)

     
  • At Tuesday, January 09, 2007 8:29:00 PM, Blogger Utopian said…

    big big girl...in a big big world

    الجهل كان نعمه..بس مش نعمه حقيقيه

    بس كويس انك خدتي الجانب الدفاعي مش المستسلم لانها فعلا مش ناقصه

     
  • At Tuesday, January 16, 2007 1:33:00 AM, Anonymous Anonymous said…

    شوف بقى من الآخر انا حاسس ان انت مش صاحب البلوج وان انت شبه صاحب البلوج .. ماشى ..؟

     
  • At Tuesday, January 16, 2007 8:39:00 AM, Blogger Utopian said…

    اخف دم

    :)

    مافيش حاجه مضمونه اليومين دول!!

    looool

     
  • At Wednesday, January 17, 2007 5:09:00 PM, Blogger Utopian said…

    mmmm

     

Post a Comment

<< Home