Wednesday, November 22, 2006

مصري

مصري و كاتب علي النعش
اني بكل بساطة منفعش
حتي اني أكون
متشعبط في أحلي عيون
لان حروفي مدفوسة في بطن الحارة
مغموسة بكل غناوي الجوع
محشورة في دنيا الأتوبيس
كان لازم أخرج عن كل وقار الفصحي وشغل الاتيكيت
وأشوفك من كشك جرايدي
وانتي بتستني أي عريس
لوحة تافهة تمنها قروش
عارفة
لوننسي المكياج و المونتاج
كان كل زواق اللهفة يبوش
كان نفسي تشوفي ازاي الليل اتغمي في بار ستلا
واتسمي...فلسطين
منقول

4 Comments:

Post a Comment

<< Home