مصر...... ممكن لحظه
مصر...... ممكن لحظه
عايز اتكلم معاكى كلمتين
مش هعطلك هما كلمتين
بس ياريت المره دى تسمعينى
يمكن دى اخر مره تشوفينى
مستغربه؟! انا قلت اكيد فهمتى!!
شفتى؟! شكلك فهمتى
بالظبط .... خلاص
هسيبك
بجد مش هينفع نكمل سوا..... زهقت
من ايه؟!
اسف.... ضحكت... وسكت
مش عشان مش عارف ليه
لأ... ده عشان مش عارف أبدأ بايه
خلاص خلاص.... انا هقولك ليه
بس ياترى أبدأ بايه
اه
بصى يا ستى
اسف.... ضحكت... وسكت
مش عشان مش عارف ليه
لأ... ده عشان مش عارف أبدأ بايه
خلاص خلاص.... انا هقولك ليه
بس ياترى أبدأ بايه
اه
بصى يا ستى
زهقت من القناه الاولى والتانيه
والاهرام والاخبار والجمهوريه
زهقت من مسلسل سبعه ونص وحديث الروح
وطنطاوى ونشرة تسعه
زهقت من درجات المستوى الرفيع
والثانويه العامه وكليات القمه
زهقت من السواقه والحلاقه وشرا اللبس
وعمرو دياب واحمد السقا
زهقت من حرية الصحافه وحرية الراى
وحرية المواطن..... بس متفرحش أوى
زهقت من ارض الكنانه والحضاره والفراعنه
والسبع تلاف سنه
زهقت من تشجيع السياحه وشرم الشيخ والغردقه
والاجنبى بيجى يحط رجله فى وش أتخن تخين فينا
زهقت من 6 اكتوبر
وبدور وابناء الصمت والرصاصه مازالت فى جيبى
زهقت من عيد العمال
والسيد راشد وعاش الملك مات الملك
زهقت من مجلس الشعب
وسرور والشاذلى وعزمى.... ودايما موافق يا شعبى
زهقت من الوطنى وبابا مبارك و ماما سوزي
وجيمى و علاء.....عقبال حماده الصغير
زهقت من اشارة المرور والوقوف في الطابور
وعمر الاشارة مبتفتح و لا الطابور بيخلص
زهقت من الجواز و الجهاز و أنبوبة البوتاجاز
والكل قاعد مستني ابن الحلال..بس مش أي ابن حلال!!!
ايه بتعيطى؟!
....................
طب استني......لسة مخلصتش
لسه كمان حاجه واحده زهقت منها
تحبى تعرفيها؟!
زهقت من كل مره قلتلك فيها الكلمتين دول
واول ماشوفك بتعيطى
ارجع احن..... واترمى فى حضنك
!!!!!!خلاص...... مش هسيبك!!!!
Utopian
posted by Utopian @ Friday, December 08, 2006
23 Comments:
At Friday, December 08, 2006 11:21:00 PM,
أجدع واحد في الشارع said…
بجد حوار جامد اوى
انا الاول كنت فاكر هدخل اقولك ليه كده هو فى احسن من مصر
بس لما قريت الحته الاخيرة قلت عليك فنان بس كده كفايه
احسن المرة الجية تسبها بجد
At Sunday, December 10, 2006 10:16:00 PM,
Veeeva said…
بس هي الحاجات دي اللي فعلا بترمز للبلد؟
At Monday, December 11, 2006 9:06:00 AM,
Utopian said…
still breathing
أنا مقلتش ان دي رموز البلد .. بس الحاجات دي بجد مزهقاني..و في تاني كتير
بس أكيد لو مفيهاش حاجه حلوة خالص مكانش حد قعد فيها
مهي بلدنا برضه و نفسنا تبقي أحسن من كده
بدل ما كل الدنيا بتتحرك و احنا وصلنا لقمة القاع خلاص
thx for passin by
At Monday, December 11, 2006 9:08:00 AM,
Utopian said…
أجدع واحد في الشارع
مبسوط بجد انه عجبك و سعيد بمرورك :)
At Monday, December 11, 2006 4:59:00 PM,
Anonymous said…
Utopian >> it means that u r a utopia citizen so could u send me an invitation to take the visa of the utopia ?
i don't need the nationality .. just live without papers in ur country ...
At Monday, December 11, 2006 4:59:00 PM,
Anonymous said…
Utopian >> it means that u r a utopia citizen so could u send me an invitation to take the visa of the utopia ?
i don't need the nationality .. just live without papers in ur country ...
At Monday, December 11, 2006 4:59:00 PM,
Anonymous said…
Utopian >> it means that u r a utopia citizen so could u send me an invitation to take the visa of the utopia ?
i don't need the nationality .. just live without papers in ur country ...
At Monday, December 11, 2006 10:13:00 PM,
Veeeva said…
karakib: r u sure??
if utopia doesn't suck, then why is utopian's avatar smashing his head over and over again?
At Monday, December 11, 2006 10:58:00 PM,
Anonymous said…
كده زعلتها بس على فكرة هيا طيبة و بتسمع منا بس ساعات مبتستحملش
كتر الشكوى
nice post
At Tuesday, December 12, 2006 1:12:00 AM,
Utopian said…
Karakib
:) I wish i send invitations to everyone really..but as my blog is named--chaotic utopia. We can establish this ideal world here..online..in our virtual blog world, but a physical utopia!! it's a far dream. i think it once existed in the era of sayedna Muhammad sallah allaho 3aleihi wa sallam..and i hope it can be back again.
but of course u r inviteds to the virtual utopia
At Tuesday, December 12, 2006 1:20:00 AM,
Utopian said…
Still Breathing
I think u did comprehend the idea of the blog somehow. but utopia does not suck, coz it does not exist. it's a dream, and a dream does not suck except it's a nightmare.
what really sucks is that a real utopia cannot exist except in everyone's imagination, coz the real world is the furthest it can be from utopia. and I try to invite anyone to my utopia....only smiles and promises..and no actions. then i come back alone
oh god..i think my head really hurts :)
At Tuesday, December 12, 2006 1:26:00 AM,
Utopian said…
ma-3lina
أنا عارف انها طيبة بس للأسف الطيبه مبقتش حاجة كويسة
بس محدش فينا بيختار أهله و محدش برضه بيختار بلده - بلده اللي بجد
و ملنفعش منحبش أهلنا و بلدنا حتي لو قلنا عكس كده
سعيد بمرورك :)
At Thursday, December 14, 2006 12:31:00 AM,
shortcut said…
دي شيزوفرانية زي اللي في الافلام العربي القديمة اللي برضه زهقت ان الناس تقول ان القديم احسن من القديم و الحوارات دي
At Thursday, December 14, 2006 11:26:00 AM,
Utopian said…
This comment has been removed by a blog administrator.
At Thursday, December 14, 2006 11:27:00 AM,
Utopian said…
shortcut
كلنا عندنا شيزوفرينيا بدرجات متفاوتة
لو فكرتي في كمية الحاجات المتناقضة اللي بنحسها و بنقولها و بنتصرف عكسها حتقتنعي بكده
يعني تقدري تقولي علينا عالم مجانين :)
At Friday, December 15, 2006 10:55:00 AM,
Anonymous said…
كلنا هذا الرجل :)
فعلاً أنا زهقت ممن الحاجات دي أول عن آخر !!
At Friday, December 15, 2006 2:32:00 PM,
Anonymous said…
الله عليك حلوة اوى
بس انت طلعت طيب و بتصدق دمعتين
يااااااااااه يامصر تعبتينا معاكى
بجد جميلة قوى
At Friday, December 15, 2006 2:43:00 PM,
Utopian said…
amr
كلنا في الهوا سوا
maf2ou3a
thx and thx again for ur visit
حرة
أخجلتم تواضعنا...تلامذتك يا أستاذه :)
مصر....اااااخ
ربنا يهديها و يهدينا و يحنن قلبها علينا..و يبعد عنها ولاد الحرام..قولي امين
At Saturday, December 23, 2006 3:09:00 PM,
hebaz said…
بجد حلوة قوى و صادقة قوى و عجبتنى قوىىىىىىى
عارف كلنا بنحس لأحساسك بالخناة و الزحمة و و و و
لكن أرجع و أقولك بلدنا حلوة لإوى بس أهم حاجة أننا نحبها بجد!
At Sunday, December 24, 2006 1:35:00 AM,
Utopian said…
hebaz
مبسوط أوي انها عجبتك
واللهي بنحبها بس نفسنا تبقي احسن من كده..أصل بصراحة مفيش أوحش من كده
At Sunday, December 24, 2006 1:40:00 AM,
Anonymous said…
ما هية ديه الفكرة منين بنقول بنحبها و منين بنوحشها كدة
بنوحشها لما منحافظش على نظافتها بنوحشها لما نسيب الفساد يعمها بنوحشها لما بنتنازل عن أخلاقنا و ننسا أصلنا و طبيعتنا و لما ننسى نحب بعضنا
تحياتى و يا ريت تزورنى ( بس أنا مبعرفش أكتب بس أهو بفضفض بالى بقدر علية )
At Sunday, December 24, 2006 8:18:00 PM,
Anonymous said…
اه يا قصة من مليون فصل
اه يا روحي يا قلبى يا مصر
حاسه بيه ولا نسيتي
ايامي علي ارضك تحت سماكي
طفله بتهتف باسمك في طابور
تسمع قران و تحية علم و تقول شهادة و بعديها علطول تقول
مصر يا ام البلاد..انتي غايتي و المراد
كلام كان طالع من قلبي عمر ما حد فهمهولي
دلوقتي و انا شايفاكي بتتهدي
اظن درويش و اللي زيه لو شافوكي مش هيعرفوكي
....
حاسة بالكلمة لسه بتتردد في دمي
ناسيه ولا فاكرة يا مصر
يوم ما خدت ميم كسرة صاد ساكنه راء ضمة
ايييه يا مصر
يوم ما المستر لحنلي الأغنية و حفظهالي
و قالي اوعي تنسيها يا بنتي دي بلدك
يومها بس عرفت يا مصر انك بجد تتحبي
ركزي شوية و حاولي تفتكري... شكلك كده نسيتي
خلاص يا مصر كرهتك معدش بقيلي فيكي حاجة
لا أزهر ولا شارع ولا حتي ذكري لأغنية
كله بقي فاضي و مالوش معني..عنب و فراخ و زيرو تسعمايه
....
طب منا هنساكي و انتي يعني كنتي ايه
أهرامات ولا ابو الهول و دي هتفرق ليه
ذكرياتي معاكي ما هي راحت..هدورلي علي وطن تاني
يديني علم و دين تاني مدام بتوعك مبقوش بتوعك
انشالله حتي اشتريلي منه شوية ذكريات
....
فين الأزهر..فين الافتا..فين الرأي
فين الطلبه..فين المثقفين..فين الصنايعية
فين فنك..فين كلمتك..فين نهضة مصر حتي فين الحرية
فين
شتيمة و سفالة و حرية الكرباج
اغنية عايزة الحرق و انعدمت الأخلاق
مدونة و مدون لا دي مسموعة ولا ده مفهوم
و اللي بيكتب نسي هو بيكتب ليه
..
أه يا بلدي كرهتك منتيش بلدي
بلدي هي امي هي اختي هي خالتي
هي ابويا..هي اخويا
بلدي هي ابني او بنتي..ربنا يحفظك يا بنتي
أه...متستعجبيش
هاكل من خيرهم و اشرب من نيلهم
خلاص هعيش فيهم اتنفس هواهم
...
بس أه لو مكنوش بيتنفسوا هواكي
At Monday, December 25, 2006 10:14:00 AM,
Utopian said…
Alice
ده انتي شايله و معبيه يا بنتي
Post a Comment
<< Home