Saturday, December 27, 2008

فضلت استني



فضلت استني استني استني
لحد ما اخر قطر عدي و فات
!!
قعدت اعيط اعيط اعيط
تعبت من العياط
!!
حطيت ايدي في جيوبي
لقيت ورق قديم و كروت تليفونات
!!
قلت اتصل بمراتي
اكتشفت انها نامت
ييجي من ست ساعات
!!
قلت اتصل ياخويا
افتكرت انه طلع معاش
و كاره تاريخه و مركز في التأمينات
!!
قلت اتصل بخالي
افتكرت انه غتت غتاته
و معايا انا بالذات
!!
قلت اتصل بصاحبي صلاح
افتكرت انه في العراق
و فيه احتمال انه مات
!!
قلت خلاص بقي
انا أعمل دماغ و اشوف الليله هتتقضي ازاي
بس انا معرفش حد بتاع مخدرات
!!
قلت طب اشوفلي مظاهره امشي فيها
لقيت الظابط جاي بيقول
خلاص يابابا شطبنا علي المظاهرات
!!
قلت ايه ياربي ده!؟
و قطر ايه اللي فات ده!؟

الله يرحمك بقي ياما
و الفتحه علي الاموات

---
علي سلامه

الصوره من عند محمود سعد
http://www.facebook.com/group.php?gid=4688384098



4 Comments:

Post a Comment

<< Home