Friday, February 23, 2007

مشهد من كتاب تاكسي..لخالد الخميسي


التعليم لكل الناس ده يا استاذ كان حلم جميل
زي أحلام كتير راحت و مفضلش منها
غير الشكل و المنظر
علي الورق
التعليم كالماء و الهواء
اجباري لكل الناس
لكن في الحقيقه
الاغنياء بيتعلموا و يشتغلوا و يكسبوا
والفقرا ما بيتعلموش حاجه
و ما بيشتغلوش حاجه
و ما بيكسبوش حاجه
***********
سواق تاكسي

-------------------
معلومه للأسف أعلم انها صحيحه تماما

33 Comments:

  • At Friday, February 23, 2007 2:03:00 PM, Blogger Poussycatmiu said…

    Salam alikom Utopian,,


    Ezaik?? 3amel aih,, as usual ur topics raise more qs than answers.. the educational system is all mess..
    7ata el23'nia ya Utopian,, tabakat.. 7asab felosak ta5od ta3leem,,fi madrsa fi bladna elkg fiha b 28,000 egyptian pounds,, ah wallahy .. aih etsadamt?? l2 emsek nafsak shwaya lessa ,, yama hanshooof

    I FORGOT.. salemly 3ala maganeyat el ta3leem wel mowaten " معضوض الدخل" ;)

     
  • At Friday, February 23, 2007 2:15:00 PM, Blogger Poussycatmiu said…

    nesset a2ol 7aga


    elt3leem kan f3lan 7elm gameel,, bs delw2ty b2a 7elm agmal,,l2nena 7assina belmoshkela..akeed han2ool 7agaaaat,, we han3mel 7aga :(,, someday,, we'll all make a difference,, may be one of us will make a change :)


    regards,

     
  • At Friday, February 23, 2007 2:58:00 PM, Blogger smraa alnil said…

    ااااااااااااااااااااااااااااااااااه يا بلد
    صرخة شرخت ضلعي
    كفاية بقي
    الله يحرقهم وحسبي الله ونعم الوكيل
    هي دي الناس اللي فاهمة

     
  • At Friday, February 23, 2007 3:36:00 PM, Blogger Utopian said…

    poussy

    I'm fine al 7amdolelah..
    i hope u r doing fine..

    yeah i know one in el katamya that costs 25,000 L.E a year..
    ---------------
    I hope really we can make a change poussy..
    All of us not just one
    it's not an in dividual cjange..it can't be..

    Best Regards,

     
  • At Friday, February 23, 2007 3:38:00 PM, Blogger Utopian said…

    انجي

    حسبنا الله و نعم الوكيل
    بس مش بالمفهوم المصري الصرف
    اننا ندعي و خلاص
    ندعي اه
    بس نعمل حاجه
    --------
    حلوه الصوره الجديده
    :)

    سلااااام

     
  • At Friday, February 23, 2007 10:19:00 PM, Anonymous Anonymous said…

    هات الكتاب اقراءه طيب

     
  • At Friday, February 23, 2007 11:24:00 PM, Blogger Utopian said…

    سلفته خلاص
    استني بقي لما ييجي

     
  • At Saturday, February 24, 2007 8:54:00 AM, Blogger big big girl...in a big big world said…

    مش ف كل الاحوال بجد

    اللى عايز يكون بيكون
    صحيح بيكون بظروف اصعب بكتييييييييير
    بس لو هو صلب هيكون
    و هيكون احسن من اللى كان من غير ما يتعب فى شىء

     
  • At Saturday, February 24, 2007 11:50:00 AM, Blogger أنـــا حـــــــــرة said…

    اه انا فاكرة الراجل ده
    مش ده اللى قال انه مش بيعلم ولاده
    علشان التعليم مش مفيد
    و شرحله النظرية بتاعته و اللى بتنص ان بالنتيجة الشعب مايعلمش عياله
    و احسنله يحوشله فلوس التعليم يعمل بيها مشروع مادام كده كده التعليم فشنك و بيروح ع الفاضى ؟

    ايا كان يعنى
    هو الراجل عنده حق مش معنى كده ان نظريته سليمة بس المشكله مش بس فى التعليم اللى محدش بيشتغل بيه الأخطر عندى هو الماده العلميه اصلا اللى بتحسسك انك بتدرس بطيخ و لما تتخرج هتشتغل فى القلقاس

    الكتاب يعتبر مرآة بتعكس حالة الشعب
    ترمومتر حقيقى جدا
    المفروض يتبعت منه نسخ لمجلس الشعب و الوزوراء و طويل العمر يطول عمره حسنى بيه
    علشان يضحكوا بزيادة

    جتهم القرف ملوا البلد

     
  • At Saturday, February 24, 2007 3:42:00 PM, Blogger Sharm said…

    مش مهم التعليم
    مش مهم الشغل
    مش مهم المكسب

    المهم الرضا و السعادة

     
  • At Saturday, February 24, 2007 7:07:00 PM, Blogger Utopian said…

    big big girl...in a big big world

    أكيد مش في كل الاحوال
    بس منين الواحد يبقي عايز يكون
    و هو مش عارف انه لازم يكون

    فاهمه قصدي؟!؟
    يعني اللي بيحصل ان الواحد يا يفهم لوحده معني الحياه يا ميفهمش و ده الغالب

    يعني احنا سايبينها للصدفه و الاستثناءات
    لكن مفيش منظومه اصلا

     
  • At Saturday, February 24, 2007 7:09:00 PM, Blogger Utopian said…

    ياسمين

    لأ تقريبا ده واحد تاني
    ده ابنه الصغير اسمه البير
    و ليه اختين كبار في ثانوي
    :)
    بجد مش بهرج علي فكره
    ------------
    عندك حق طبعا
    ربنا يرحمنا برحمته
    و يكتر من الناس الفاهمه
    و عايزه تفيد البلد

     
  • At Saturday, February 24, 2007 7:11:00 PM, Blogger Utopian said…

    sharm

    مممممممممممم

    مش عارف اقول ايه
    بس لو بتتكلم جد فانا مش متفق معاك خالص أكيد

    ممكن اوافقك لو شلت التعليمو الشغل من الحسبه دي
    و خليتها مش مهم المكسب بس

    تحياتي

     
  • At Sunday, February 25, 2007 12:14:00 AM, Blogger amira said…

    عمرو

    أنا بقيت عاملة زي عبيط القرية اللي في الأفلام القديمة
    ...........
    الطوفان جاااااااااي

     
  • At Sunday, February 25, 2007 10:22:00 AM, Blogger متغيرة شوية said…

    طه حسين اللي قال التعليم زي الماء والهواء ده عبقري وعنده بعد نظر
    لتعليم في مصر فعلا كالماء والهواء ، ملوث تماما وبيجيب كل الأمراض اللي مالية جتتنا
    في ناس معاها فلوس انها تعيش على طول في تكييفات ومنقيات للهوا وتشرب مية معدنية
    وناس مش معاها

     
  • At Sunday, February 25, 2007 10:51:00 AM, Blogger أنـــا حـــــــــرة said…

    سلمى

    جووووووووووووووووون
    و المصحف يا بت انتى عبقرية
    علشان كده انتى صاحبتى

    :)


    ____________

    معلش يا عمرو رديت على سلمى
    بس أصلى كنت داخله اكتب رد
    فخبطت فى ردها

     
  • At Sunday, February 25, 2007 11:05:00 AM, Blogger أنـــا حـــــــــرة said…

    كنت هقول ايه بقى

    كنت هقولك انى مش فاكرة اوى الكتاب يعنى
    بس افتكرت اسم البير و كده
    بس انا كلامى صح برضه
    علشان فى واحد م السواقين كان متبنى النظرية اللى كتبتها

    ايا كان يعنى
    الاتنين عندهم حق
    و بما انى قريت الكتاب
    فعارفه انك مش بتهرج طبعا

     
  • At Monday, February 26, 2007 1:46:00 AM, Blogger بيقولوا سايكو said…

    اولا مبروك انك جبت الكتاب
    ثانيا : طيب إيه الحل ؟ نفسى فى خطوة إيجابية . بس هى إيه ؟!

     
  • At Monday, February 26, 2007 3:22:00 AM, Blogger Pragmatic said…

    ماليش نفس اعلق يا يوتوبيان
    لحسن المرة ديه لو اتكلمت احتمال المدونة تتحرق من اللي هقوله

     
  • At Monday, February 26, 2007 3:24:00 AM, Blogger Pragmatic said…

    عصر العصر والسحق


    أكاد لشدة القهر،
    أظن القهر في أوطاننا يشكو من القهر،
    ولي عذري،
    فإني أتقي خيري لكي أنجو من الشر،
    فأخفي وجه إيماني بأقنعة من الكفر،
    لأن الكفر في أوطاننا لا يورث الإعدام كالفكر،
    فأنكر خالق الناس،
    ليأمن خانق الناس،
    ولا يرتاب في أمري،
    وأحيي ميت إحساسي بأقداح من الخمر،
    فألعن كل دساس، ووسواس، وخناس،
    ولا أخشى على نحري من النحر،
    لأن الذنب مغتفر وأنت بحالة السكر،
    ومن حذري،
    أمارس دائما حرية التعبير في سري،
    وأخشى أن يبوح السر بالسر،
    أشك بحر أنفاسي،
    فلا أدنيه من ثغري،
    أشك بصمت كراسي،
    أشك بنقطة الحبر،
    وكل مساحة بيضاء بين السطر والسطر،
    ولست أعد مجنونا بعصر السحق والعصر،
    إذا أصبحت في يوم أشك بأنني غيري،
    وأني هارب مني،
    وأني أقتفي أثري ولا أدري؛
    إذا ما عدت الأعمار بالنعمى وباليسر،
    فعمري ليس من عمري،
    لأني شاعر حر،
    وفي أوطاننا يمتد عمر الشاعر الحر،
    إلى أقصاه: بين الرحم والقبر!

    ملحوظة : القصيدة للشاعر احمد مطر

     
  • At Monday, February 26, 2007 9:29:00 AM, Blogger Utopian said…

    amira

    سلامتك من العبط يا أميره
    :)

    هو جاي فعلا بس علي الاقل نحافظ علي عقلنا يمكن نحتاجه ساعتها

    ايه يا اميره اللينك بتاعتك بتودي علي باب مقفول
    ماذا حدث؟

     
  • At Monday, February 26, 2007 9:30:00 AM, Blogger Utopian said…

    سلمي

    يا بنت الايه
    أحسنتي المشاركه فعلا
    مبصتتش من المنظور ده قبل كده خالص
    بس كده الموضوع منطقي جدا
    :)

     
  • At Monday, February 26, 2007 9:32:00 AM, Blogger Utopian said…

    ياسمين

    رد سلمي جامد أوي بصراحه
    عندك حق

    حصل خير برضه
    :)

     
  • At Monday, February 26, 2007 9:34:00 AM, Blogger Utopian said…

    بيقولوا سايكوا

    واللهي لو عارف مكنتش هخبي عنكم
    !!!
    بس هو مش حل فردي أكيد
    الموضوع عايز نهضه مجتمعيه
    بدل ما صوت شخيرنا جايب القارات السته كده

     
  • At Monday, February 26, 2007 9:38:00 AM, Blogger Utopian said…

    انا عرفت انه احمد مطر من اول كام سطر
    محدش عنده كمية المرادفات الغريبه دي اللي كلها بتخدم فكرته غيره
    بحس ساعات ان عنده معجم غير اللي عند باقي الناس

    جامده يا صاحبي

     
  • At Monday, February 26, 2007 12:58:00 PM, Blogger Memo said…

    انت مشفتش الجكومه مطلعه عين اهلينا كل يوم لا مساس بمجانيه التعليم لا مساس بالمجانيه للمعرفه لا مساس بطالاب
    يالا يا حكومه يا ممسوسه يا بنت الكدابه
    كفايه قرايه معدش جايب همه
    تحياتشيييييي

     
  • At Monday, February 26, 2007 2:50:00 PM, Blogger ibn nasser - ابن ناصر said…

    عارف يا يوتوبيان سواق التاكس صادق فعلا ,, وساعات التعليم أما بيجي للفقرا بيوا الهوايل ,, وانا قولت ساعات ,, تعرف أن مره ركبت تاكس مه واحد خريج ايه ؟؟ جامعة القاهره .. ماس كوميونيكايشن -اعلام اذاعه وتلفزيون شغال علي التاكسي ورويترز اكل العيش بقي , المصيبه التعليم مش بقي مقتصر علي الاغنياء وبس لأ وكمان مفيش شغل او مكسب زي مايتقول هنقوول ايه غير حسبي الله ونعمي الوكيل

     
  • At Monday, February 26, 2007 4:23:00 PM, Blogger Utopian said…

    memo

    gamda 7kooma mamsoosa di :)
    teada2i sa7..

    Ta7eyatshi ana kaman

     
  • At Monday, February 26, 2007 4:24:00 PM, Blogger Utopian said…

    ibn nasser

    sebha 3ala allah ya sa7bi

     
  • At Tuesday, February 27, 2007 12:51:00 AM, Blogger amira said…

    هاي يا عمرو

    والله فيك الخير يا ابني
    بص ادخل على اللينك من ال
    comments
    مش من البلوج بتاعتك
    علشان أنا غيرت حاجة في ال
    account
    بتاعي واعمل
    replace
    للينك
    .....
    أنا عن نفسي مش فاهمة حاجة من اللي أنا قلتها بس لو كنت انت فهمت أكيد هاعرف
    .....
    سلااااام

     
  • At Tuesday, February 27, 2007 8:43:00 AM, Blogger Utopian said…

    amira..

    وصلت متقلقيش

    واضح انك نسفتي بلوجك القديم
    يلا المهم في واحد تاني

    سلاااام

     
  • At Tuesday, February 27, 2007 10:05:00 PM, Blogger إنـســانة said…

    معاك حق لازم نعمل حاجة

    على فكرة انا شوفت لقاء تلفزيونى مع مؤلف الكتاب وطلع خريج كليتى وبعدين لما شوفت الغلافة إفتكرت إنك عامل بوست عنها وإنى لسة مش قريته

    ربنا يكرمك يا يتوبيان يا مثقفنااا

    قبل ما أنسى

    بجد بجد
    البعيــرُ هَلَــــك

     
  • At Tuesday, February 27, 2007 10:44:00 PM, Blogger Utopian said…

    انسانه

    خالد الخميسي و اخد بكالوريوس سيلسه و اقتصاد من عندكوا فعلا

    و ماجسيتر من السوربون كمان
    يلا عقبالك

    بس يا خساره
    البعير هلك

     

Post a Comment

<< Home