بنحبها
تعرفوا ايه مشكلتنا؟
مشكلتنا اننا بنحبها
بس دايما بنقول كلام بايخ في حقها!!
طب هي ايه ذنبها!؟
عيشتنا..
عيشتنا نار
و الظلم و القهر و الكبت
بقوا في الخلا قبل العمار
و قلة الحيله كسرت نفسنا
بس دي يمكن زينا
أو حتي أكتر مننا
العيب عمره ما كان في الأرض
العيب في اللي بيرويها
الأرض تديلك قصاد ما تديها
ترويها.. تأكلك من خيرها
لكن منين نسيبها
للزرع الشيطاني يمص خيرها!؟
ونرجع نقول
خدنا ايه عشان نديها!؟
و برضه شايلانا
و اللقمه بتتقسم .. و خلاص
و المره بتتبلع .. و خلاص
و النكته بتتحكي .. و خلاص
و الضحكه بتترسم .. و خلاص
لكن تعرفوا ايه أكتر حاجه تهزها!؟
انها تسمع مننا كلام بايخ في حقها!!
صدقوني..كلنا بنحبها
صدقوني..كلنا بنحبها
***************
Utopian
posted by Utopian @ Saturday, June 09, 2007
17 Comments:
At Saturday, June 09, 2007 6:24:00 PM,
Yasmine Adel Fouad said…
اللقمه بتتقسم .. و خلاص
و المره بتتبلع .. و خلاص
و النكته بتتحكي .. و خلاص
و الضحكه بتترسم .. و خلاص
لكن تعرفوا ايه أكتر حاجه تهزها!؟
انها تسمع مننا كلام بايخ في حقها!!
اه بنحبها
نديها و ناخد منها
بنعزها
بس احنا برضه محتاجين
انها
تصون كرامة شعبها
_______________
بص الأكيد ان الناس فاض بيها
الأكيد كمان ان الأرض ملهاش ذنب
الذنب ذنب الواطيين اللى ناهبين خيرها
و برضه ذنب أمثال الساكتين من ولادها
بس عارف احنا بنتبع معاها سياسة ايه ؟
سياسة انا ادعى على ابنى و اكره اللى يقول آمين
يعنى شوف اى واحد داير يشتم فى مصر
بمجرد انه ييجى قدام حد غريب تلاقى قصايد الشعر طلعت
عارف زى كده لما ابويا يقعد دام حد من صحابه بيتكلم عنى و
و تلاقيه بيقول كل عيوبى اللى قارفاه و مطلعه عينه على انها مميزاتى
اهتمامى بالأدب و الفن بقى ميزة
شخصيتى المستقلة بقيت ميزة
دواليك
دواليك
اهو احنا كده بالظبط
At Saturday, June 09, 2007 7:08:00 PM,
Anonymous said…
zay ommy 7oby leha..
we nefsy kol 7aga adeha..
bas msh 3arfa ezay ardeha,
we ana mafeesh fe 2edaya 7aga leha....3'er 2elet el7ela
bd3y raby yewafa2ny we ye3ney,
we el sawab yelhemny
3alashan 7o2u2ha 2adar awafeeha...
M.M
At Saturday, June 09, 2007 9:50:00 PM,
Anonymous said…
راااااااااائعه
بجد..قد ايه حقيقيه وواقعيه وفى نفس الوقت مكتوبه حلو اوى
تحياتى
At Sunday, June 10, 2007 12:25:00 AM,
MAKSOFA said…
طبعا بنحبها ، وعن نفسي بأعشقها عشق بمرها قبل حلوها ، وأحنا مالناش قيمه من غيرها ، صدقني أنا الحنين بيقتلني ليها ، ولما أجي في الأجازة دموعي بتنزل طوال مأنا في الشارع أو راكبه عربيه وبأكون نفسي أفرد دراعاتي وأضمها في حضني
العيب موش في مصر العيب في الحراميه اللي بينهبوها ، ومافيش حد فيهم قلبه عليها ، أنا دايما أقول للمصريين اللي هنا في الغربه لما يشتموا فيها أقول لهم العيب موش في الوطن العيب في اللي سارقين خير الوطن
At Sunday, June 10, 2007 11:33:00 AM,
Utopian said…
انا حره
البيضه ولا الفرخه!؟
هي سكه واحده و بتوصل علي كل حاجه
و في الاول و في الاخر
لازم احنا اللي نقومها
يا اما نبيعها
يا ابيض يا اسود
--------------------------
M.M
اهم الحاجه
اننا نطلع من مرحلة الكلام للفعل
ده احد الاسباب اللي كان مخلليني مبطل كتابه في البلوج من فتره
اني حسيت اني بقيت بتكلم كتير و مش بعمل قد الكلام اللي بقوله
بس برضه لازم نتكلم عشان نصحي الناس
المهم مجهود الشغل ميروحش بس في الكلام
و بعدها نخش ننام
نورتيني
-----------------------------
shayma
الف شكر يا فندم
-----------------------------
maksofa
اكيد اكتر ناس بتحس بكده
اللي مسافرين و بعيد عنها
نورتي المحكمه
عقبال ما ترجعي لمصر بقي علي طوول
At Sunday, June 10, 2007 12:28:00 PM,
Ma 3lina said…
حمد لله على السلامة
ايه يا رااجل كل دى غيبة ؟؟؟
كلنا بنحبها بس هيا ايه ذنبها
At Sunday, June 10, 2007 5:11:00 PM,
Dalia said…
جميل اوى الشعر ده
انت فين من زمان عودا حميدا
At Monday, June 11, 2007 3:08:00 AM,
Pragmatic said…
مش قادر امسك نفسي الدمعة فرت من عيني
At Monday, June 11, 2007 4:12:00 AM,
Anonymous said…
kolena ben7ebaha .. bas ana 2al 7oby leha le eny ektashft en 7obena leha mesh marbot bas beha wla be ardaha, marboot kaman be el nas ele feha we ele lena zekrayat kteer ma3ahom feha we 3ala ardaha, bas 3ala fekrah lesa bardo ba7enelha we ma2darsh asma3 7ad ye2ol kalam baye5 fe 7a2aha
manshy
At Monday, June 11, 2007 6:32:00 AM,
Utopian said…
ma 3alina
allah yesalemk...ana geet aho
--------------------
daila
thx a lot
---------------------
pragmatic
etarya2 etarya2
---------------------
manshy
heyya akeed mesh ard bass...
ard w nas w memories!!
thx for ur visit
At Monday, June 11, 2007 6:39:00 PM,
Yasmine Adel Fouad said…
انا مع اقتراح انها تتأجر ايجار جديد
سنة قابله للتجديد او لا
------------
بعد اذن utopian
pregmatic تحياتى :)
At Monday, June 11, 2007 10:28:00 PM,
Pragmatic said…
تحياتي يا حرة ارجو انك تزوري البلوج بتاعي هتلاقي فيه مناقشة هتعجبك
At Tuesday, June 12, 2007 2:30:00 PM,
Poussycatmiu said…
Salam Alikom Utopian
المشكلة اننا حيرانين..مش عارفة اسمها ايه الكلمة بس " بين البينين" بنحبها اوي من قلبنا ..بس اللي بيحب حد بيحميه..و بيخاف عليه.
حتي لو حبها فينا اتوجد و اتولد لحظة ماجينا..بس يا تري احنا نستاهل اصلا انو نحبها..
و حبها اللي جوانا عاملنا بيه ايه..خاليناه motive
يحركنا ..و لا خلا بقينا بنخنقه جوانا
المشكله في اننا سايبينهم يروها بالشكل دة..و واقفين يس نصرخ و نحكي عن حبها اللي جوانا...
best regards,
At Tuesday, June 12, 2007 9:04:00 PM,
Anonymous said…
هى ملهاش ذنب واحنا ملناش ذنب
بس اكيد هييجى يوم ونعرف مصير اللى شيلوها وشيلونا ذنوبهم ايه
At Thursday, June 14, 2007 1:09:00 AM,
dew_bright said…
و ان كان مش مسموحلك ترويها ؟
وكل ما تحاول ترمى نقطه ميه تلاقيها اتردتلك فى وشك بطينها
At Thursday, June 14, 2007 9:49:00 PM,
big big girl...in a big big world said…
عارف انا من كام يوم كنت فى نقاش مع حد بحترمه اوى عن مصر
هو كان مستغرب ان فى ناس لسه بتكتب عن حبها ليها بمعنى اصح بتحبوا فيها ايه.؟؟؟
و مصر فى نظرك عباره عن ايه؟؟
ارض؟؟شعب؟؟
اختلافنا فى وجهات النظر
مقدرتش اقنعه و مقدرش يحسنى
سعات احنا بنحس بحجات مش مصاغه كده
عارف اصعب شىء ايه؟؟
انك متحسش بالامان
و للاسف الاحساس ده بقى ملازمنى
عارفه ان انا مش هلاقى الامان فى حته غيرها
بس و انت جواها و تحس كده ده اصعب
http://freeinacage.blogspot.com/2006/12/blog-post_24.html
كنت كتبت دى من زمان
على فكره احنا فى رساله عاملين مشروع اسمه رساله من اجل مصر اعتقد انه هيعجبك كتير
تحياتى
:)
At Thursday, June 14, 2007 11:23:00 PM,
Utopian said…
poussy
motive..this is the keyword
----------------------------
insana
regards
----------------------------
dewbright
no comment
Best Regrds
---------------------------
Big girl
nas kteer awi
lelasaf bezzat el nas kbeera..ba3o el 2adeya 7'ales
w ba2et resalethom ennohom yrabo 3eyal;hom w 7'alas..aw bma3na asa7 bey7aolo yekne3o nafsohom bkeda
the link does not open
Resala guys are great as always
Post a Comment
<< Home