حاجات فاكرها ... و وحشاني
زمان
كنت أول مادخل عشان أنام...بنام
و أقوم بدري قوي
أصلي و العب رياضه و أفطر
وأروح المدرسه بدري مووت
وبمزاجي.. وأنا مبسوط
اه و اللهي
**********************
زمان
كنت قريب قوي من ربنا
وكانت الدنيا كلها كوم
و الصلاه في الجامع كوم تاني
فاكر مره كنت انا و أصحابي
بنلاعب فريق الشارع اللي ورانا
والمتش حامي موت
بس العشا ادنت
وقفشت اني لازم اسيبهم
وأروح أصلي جماعه
مع انهم حلفوا اننا هنصلي كلنا مع بعض
بعد المتش
بس الغريب ان بعد مرور تقريبا
13 سنه علي الموقف ده
لسه فاكر اد ايه طعمه
كان جميل أوي
**********************
زمان
في حصة العلوم
و احنا بناخد درس
طبقة الاوزون
متتخيلوش زعلت قد ايه
لما عرفت ان الاوزون مخروم
و فضلت قلقان قوي علي الكره الارضيه
من الخرم
!!!
**********************
زمان
كنت مقتنع جدا
اني هموت شهيد
وانا بحرر القدس
**********************
زمان
كنت فرحان بالثوره و العبور
و السد العالي
مصر كانت أم الدنيا
وسينا رجعت كامله لينا
و كنت كل 6 أكتوبر
أشوف الرصاصه مازالت في جيبي
مع اني حفظته
بس كنت بتبسط قوي كل ما أشوفه
**********************
زمان
كان عندي قناعه تامه
ان بكره أحسن
!!!
**********************
مش قصدي كابه واللهي
بس بجد
دي حاجات فاكرها .. و وحشاني
و نفسي ترجع تاني
!!
و بجملة الكابه
علي سلامه قال ايه بقي؟!؟
هو احنا رحنا بجد مدارس
وخدنا في العربي و في الدين!؟
و كان فيه حصة رسم كمان
و كنا نحلم بالالوان
و صحاب قوي .. و قريبين!؟
لو حد يعرف بس يقول
هو احنا صح كده علي طول!؟
ولا احنا تهنا و مش داريين!؟
هو الطريق ده رايح جاي
ولا اللي راحو مش راجعين!؟
ولا اللي راحو مش راجعين!؟
**********************
Utopian
posted by Utopian @ Friday, February 22, 2008
13 Comments:
At Friday, February 22, 2008 10:57:00 PM,
samourai 4 ever said…
كلنا عندنا نفس الكلام
لان احنا كان عندنا حاجه اسمها براءه الاطفال
و ان الكبير هو اللى دايما يكون هو الصح
و احنا كنا اكتر ناس اشرار و كنا دايم نحلم اننا نكون احسن من خلال مثلا حاجه زى تحرير القدس
و دمتــــــــــــــــــــــــم
At Saturday, February 23, 2008 9:00:00 AM,
Utopian said…
samourai 4 ever
طب كويس
دنا كنت فاكر اني بني ادم فضائي
:)
منوراني يا فندم
At Saturday, February 23, 2008 9:13:00 AM,
موجة said…
اشكرك على البوست الجميل ده
تصور ان دي حاجات كلنا عشناها
جزء من تكوينا الثقافي وذكرياتنا
وخصوصا موضوع الصلاة جماعة في الجامع ده
الله .. القرب من ربنا ده حلو قوي وبحل كل المشاكل و بيزود الرزق و بيوفق الانسان
خالص تحياتي
احمد
At Saturday, February 23, 2008 9:41:00 AM,
samourai 4 ever said…
اه فعلا كلنا كنا كدة
بس عمرنا ما بنكمل
و حنبقى فضائيين
ههههههههههههههههههههههه
و البلوج منور بصحابه
هههههههههههههههه
و دمتــــــــــــــــــــــــــم
At Saturday, February 23, 2008 2:00:00 PM,
Anonymous said…
el7agat dih lessa 3andy !!
maybe that's what they call 'tofula muta27'era'...lol.
3ala el3omum
مادمت لسة فاكر زمان, يبقى الحتة الحلوة موجودة :)
M.M.
At Sunday, February 24, 2008 9:19:00 PM,
dina said…
بوست جامد جدااااااااااااااا و على سلامة كمان راجل جامد جدا جدا جداااااا
بجد انت فكرتنى بحاجات حلوة كتير..انا فاكرة بردو انى كنت زعلانة عالخرم بتاع الاوزون و فاكرة الرصاصة لا تزال فى جيبى و العمر لحظة و افلام 6 اكتوبر اللى بقى يوم زيه زى اى يوم و فاكرة حاجات كتير كدا تاهت مننا فى زحمة الدنيا و يا ريتها ترجع
تحياتى
At Monday, February 25, 2008 11:01:00 AM,
Utopian said…
موجه
تحياتي يابو حميد
At Monday, February 25, 2008 11:02:00 AM,
Utopian said…
samourai 4 ever
:)
At Monday, February 25, 2008 11:03:00 AM,
Utopian said…
M.M
heyya mawgooda al 7amdolellah,
bas 2al2an 3aleiha shwayya :)
At Monday, February 25, 2008 11:05:00 AM,
Utopian said…
dina
متشكرين يا فندم
علي سلامه ده الكبير بتاعنا فعلا
فعلا كان فيه حاجات ليها طعم خاص اوي زمان
دلوقتي بقت
عااادي
مش عارف ليه
!!
أو عارف بس بستعبط
At Tuesday, February 26, 2008 9:08:00 AM,
Anonymous said…
لا اللى راحوا مش راجعين
وعلى فكرة فعلا كلنا كنا كدا بس لحد الان عندى حاجات لسه راسخة جوايا بتخلينى احس ان بكرة احسن على الاقل لما بندعى ربنا ان بكرة يبقا احسن اكيد الامل بيكبر جوانا ان ربنا هيستجيب..
At Monday, December 01, 2008 10:27:00 PM,
Muslima said…
ياريت نرجع زى زمان
وبأحلام زمان
وبراحت بال زمان
قول للزمان ارجع يا زمان
مع تحياتى
At Monday, May 20, 2013 1:17:00 AM,
Anonymous said…
مساء الخير…أنزلت إدراج جديد وإنشاء الله يعجبكم أنت وكل الأصدقاء المدونين ….
Post a Comment
<< Home