Wednesday, July 25, 2007

يلا ننضف بلدنا ...... بقي


قوم يا مصري

مصر دايما بتناديك

يا جدع قوم بقي الله يكرمك

مش سامعها بتنده!؟

منفض ليه..عيب

و بعدين دي مش بتنده..دي بترقع بالصوت

معلش يا ست الكل

كنا مريحين شويه

حبه بس...هنتشطف و جايين اهو


مش عارف ليه كل الشعرا مقتنعين ان المصرين نايمين

ولازم حد يصحيهم!!!!

فاكرين عمنا "بيرم التونسي" لما قال:

يا مصري و انت اللي هاممني من دون الكل

نمت و العالم فايق ..قوم بص و طل


يعني الموضوع بقالوا كتير

حاجه كده زي أهل الكهف

ما علينا

فاكرين زمااااان لما عملت كام بوست

عن النضافه

مش فاكرين!؟

اللينكات أهي

http://chaotic-utopia.blogspot.com/2007/02/blog-post_07.html
http://chaotic-utopia.blogspot.com/2007/02/blog-post_03.html

اللهم صلي علي النبي كان فيه تأييد كاسح

علي طريقة بالروح بالدم

بس كان الاقبال العملي قليل أوي

و انا كمان اتشغلت..و أحبطت

المهم..بما انكوا كنتوا موافقين مسبقا

و ماضيين و مسجلين اساميكم عندي (و لو حد أنكر هسيحله في بوست لوحده)

يبقي انتوا معانا

احنا مين؟!؟

ياخبر أبيض.. احنا كتير أوي علي فكره

بتاع 313 تقريبا!!!

اشمعني الرقم ده!؟!

ااااه..ده كان عدد المسلمين في غزوة بدر

مش موضوعنا

ناس بتصمم اللوجو

و ناس بتعمل البوسترز

و ناس بتدور علي رعاه للحمله

و ناس قاعده فاضيه كمان

ده كان لوجو مبدئي



و قريب اوي هوريكم اللوجو النهائي

دلوقتي..هنعمل ايه

1- أضعف الايمان كل واحد فيكم يحط اللوجو عنده في البلوج

و ينوه عن الموضوع عشان الموضوع يتنشر بسرعه

فاكرين مدونون من أجل التغيير

ممكن نعتبر نفسنا مدونون من أحل التنضيف :)

و مش منتظر حد يجيب سيرتي

مش عاوز اتشهر علي قفاكم.. متقلقوش

بس حط اللوجو عندك و اتكلم عن الموضوع لو متحمس

2- اللي فات ده علي طريقة من رأي منكم منكرا فليغيره بقلبه

بس لسه اليد و اللسان.. عايزين الموضوع بقي يتنشر في

مصر كلها .. مش نت بس

عايزين نوصله للبرامج الجماهيريه و الشارع

عايزين sponsors

عايزين بوسترز في الشوارع

علي العربيات

حملات توعيه

و حملات نضافه

كلام كبير..عارف

بس يتعمل

بس كل ده عاوز

Sponsors

عاوزين الموضوع يوصل سافية الصاوي

البيت بيتك

العاشره مساءا


يلا ننضف بلدنااااااااا

***********************
Coming sooooon

Utopian

15 Comments:

  • At Thursday, July 26, 2007 12:57:00 PM, Blogger غجرية said…

    am in with energy
    i be the changa i want to c in the world
    and i will talk to mt friends
    i had a close idea be4
    http://www.slangonline.com/invi5/index.php?showtopic=1509&st=0&#entry7391

     
  • At Thursday, July 26, 2007 10:11:00 PM, Blogger أنـــا حـــــــــرة said…

    This comment has been removed by the author.

     
  • At Thursday, July 26, 2007 10:13:00 PM, Blogger أنـــا حـــــــــرة said…

    Amr ,

    I am in , whatever it takes .. with pleasure

     
  • At Friday, July 27, 2007 3:40:00 AM, Blogger chimera said…

    حلو الكلام وهيبقى احلى لو كلنا حولناه لفعل ان شاء الله
    "كلنا"دى تعود على اى مصرى بيحب بلده
    عارف يا عمرو....هحكيلك حكاية عالسريع كدة اتحكتلى
    لكن حرقت دمى بجد
    خالى كان عندنا من يومين كدة وحكالى عن مستثمر عربى مش لازم اسمه ولا تفاصيل عنه
    مش ده الموضوع
    الموضوع ان المستثمر ده كان عايز يعمل مشروع هنا فى مصر وعلشان هو راجل بيحب شغله جدا فبيحاول على قد ميقدر يعمل معظم الحاجات بنفسه
    المهم نزل مصر بنفسه لعمل الاجرائات القانونية الخاصة بمشروعه وبعد مفات شهر كامل بعد ما الراجل داخ السبع دوخات وزهق وحس انه ضيع وقته مع انه يعنى مش مستنى الملاليم اللى هيكسبها هنا فى مصرعلشان يعملوا فيه كدة
    ده راجل ملياردير ما شاء الله
    لما رجع وقابل خالى قاله :
    انا مع كل اللى حصل فى حاجة واحدة بس هى اللى محيرانى !!
    أيوة الشعب المصرى شعب غلبان
    أيوة الروتين مطلع عينه ومطلعه من شعوره
    مهروس فى شغله علشان فى الاخر مرتب صغير هيقضى ايه ولا ايه!!
    لكن ليه القذارة !!وليه بيوسخوا بلدهم اللى عايشين على أرضها وحتى النيل اللى بيشربوا منه
    مش علشان طافحين الكوتة فيها يوسخوها وهى زنبها ايييييه؟؟!!!
    .........
    والله يا جماعة الحكاية دى اتحكتلى من يومين بالظبط
    ومش دى حجتنا ابدا وزى مقال عمرو قبل كدة (احنا لينا حجة فى الفقر لكن ملناش حجة فى النضافة)
    وده نفس اللى قاله واحد مش مننا
    ليه نسيب العالم كله ينظرلنا النظرة دى؟؟!!....طيب يولع العالم كله مش دى القضية اوى
    ليه احنا مش حاسين اننا بنغلط فى حق بلدنا,ارضنا,الهواء اللى بنتنفسه و النيل اللى بيروينا؟؟؟؟!!!وقبل كل ده بنغلط فى حق نفسنا وادميتنا اللى بلدنا جزء منها
    انا رغيت كتييييير...معلش بقى يا عمرو :)
    بس يارب ننضف بلدنا بقى
    تحياتى

     
  • At Friday, July 27, 2007 3:22:00 PM, Blogger Bella said…

    احييك على هذه المبادرة الجميلة والتي اتمنى ان تستمر ولا تنام شأنها شأن كل مبادرة تحتاج لجهد

    من غير زعل وماحدش يتهمني باني مش باحب مصر

    لاني باحبها جدا ومن كتر حبي لها بازعل قوي قوي من اطنان القمامة المنتشرة في كل مكان وحتى ان اقل البلاد العربية مستوى مادي انضف من مصر بكتير

    تصوروا ان اليمن اللى فيها بيوت بالطين حتى الآن انضف من مصر

    ليه احنا بنعمل في بلدنا كده
    وليه وصل الحال بينا لكده
    النضافة دي سلوك فردي شخصي يدل على تربية الانسان في بيته

    فلماذا اصبحت بلدنا مقلب قمامة كبير وكلنا بنرمي فيه مخلفاتنا

    ساشارك معكم في الحملة
    تحياتي

     
  • At Saturday, July 28, 2007 2:37:00 AM, Blogger بيقولوا سايكو said…

    أيون أنا معاك و كنت من ضمن الناس اللى قاعدين فاضيين .. يعنى حاولت أفكر فى شعار و ما توصلتش لغير " نضف بلدك بنفسك ماحدش هينضفهالك " و بعد كده حسيته داخل على بلطجة و مخى وقف ... عامة انا لسة معاك بس قولى اعمل إيع و أنا اعمل على طول ... على فكرة انا مش باعرف ازاى احط لوجوهات فى البلوج

     
  • At Saturday, July 28, 2007 3:30:00 AM, Blogger dr.Roufy said…

    فكرة جميلة..جدااااااااا

    لازم ننضف بلدنا..زي منضفوا البلد..ونضفوا جيوبنا
    أنا معاكم

     
  • At Saturday, July 28, 2007 8:32:00 AM, Blogger Utopian said…

    Ya mosahel ya rab

    gamil awi en kollokom mota7amisin

    I'll keep u updated..

    fi gdeed 2orayeb isa

    salam mo2akat :)

     
  • At Saturday, July 28, 2007 9:08:00 PM, Blogger big big girl...in a big big world said…

    عمر بيتهيقلى علشان الموضوع يبان
    او الناس تاخده بجديه
    نختار مكان معين
    مكان ممكن يكون جميل بس احنا مخلينه وحش
    و نشتغل فى المكان ده

    انا عندى اقتراح بمكان هو جزيرة بين البحرين
    حته تحفه بين النيل و الخضره
    المفروض تكون جنه بس للاسف هى مقلب للقمامه
    الجزيره دى احنا بنجاول ندخل فيها صرف صحى و حبة خدمات و المفروض ان هيتعمل عليها و على مجموعة الجزر المشابها ليه سبوت من المديا

     
  • At Sunday, July 29, 2007 12:16:00 PM, Blogger smraa alnil said…

    مش عايزة احبطك

    بس مش لما الناس تلاقي تاكل وتشرب نبقي ننضف

    يلا مش مهم
    انت عارفني راشقة في اي حاجة

    وانا معاك يا ريس
    تصدر انت المسيرة وكلنا ورائك

    بس بلاش التسييح

    معاك معاك

     
  • At Tuesday, July 31, 2007 3:18:00 PM, Blogger نفسنا said…

    ندعوكم لزيارة العدد الثالث من مجلة نفسنا
    ولمن لدية هواية الكتابة ويريد المشاركة معنا نرجو منه مراسلتنا
    nafsena@gmail.com

     
  • At Friday, August 03, 2007 9:22:00 AM, Blogger mesh2dra said…

    السلام عليكم

    حلو الكلام
    وانا ال 314
    وحساعدك بطريقتى ان شاء الله
    حسيح لحملتك:D

    سلاماتي

     
  • At Friday, August 03, 2007 10:01:00 AM, Blogger Utopian said…

    big girl

    ana m3aki fe3lan..lazem ne7'tar mkan w dah elli 7asal fe3lan
    e7'tarna el gam3a.. w kolyetna belta7deed..
    msh enti handasa bardo :)

    3ala fekra, kont fi resala embare7 bar3ed 3aleihom el fekra
    w e7temal yeb2a feeh ta3awon isa
    ----------------------------------

    samra

    e7bat ah bass...ana msh mestani 7ad ye7betni..don't worry

    ------------------------------------
    mesh2dra

    howwa dah :)

     
  • At Monday, August 06, 2007 12:45:00 PM, Blogger Memo said…

    i am in we rabna y3wd 3lina ba2a

     
  • At Wednesday, February 10, 2010 11:07:00 PM, Anonymous Anonymous said…

    Yes undoubtedly, in some moments I can reveal that I agree with you, but you may be inasmuch as other options.
    to the article there is still a suspect as you did in the fall publication of this request www.google.com/ie?as_q=jaws pdf desktop suite 2.0 ?
    I noticed the phrase you have in the offing not used. Or you profit by the pitch-dark methods of promotion of the resource. I have a week and do necheg

     

Post a Comment

<< Home