Destiny

What Love Means

Fear of God

Freeodom

الصفر

صفر أنا
أنا صفر
وهل للصفركينونة؟!
فما هو الا صفر...وهذه أبلغ صفة

أمضي وسط الحياة
لعلي أتخذ قيمة أعلي من الصفر
أري هدفا...فيغريني
فأمضي خلفه زمنا
و عندما أبلغه
أجد الصفر مازال صفرا !!
ويحي..كيف أحيد عن صفري؟
كيف أحيد عن حياتي الرثة؟
فما أنا الا ذرة
وسط عالم من الذرات
كل يدور في فلكه حتي تنتهي الدورة

يحسدني أناس...
يحسدون نجاحي
وذكائي و قوتي
ومروءتي و أمانتي
ورجولتي و شعبيتي
مهلا..مهلا
مازلت لا أري سوي الصفر أمامي!!
فالمرء يشقي اذا كبر صيته عن حقيقته!!
صفر أنا
أنا صفر

يا عبد
يا من تركت نفسك وسط موج الحياة
حتي كاد يغرقك أخشي عليك من الوهن
أخشى عليك من التيه في حقبات الزمن
اختر طريقك
فالمرء يولد صفرا
وان أردت تغيير هذه الحقيقة
فاختر لنفسك القيمة الموجبة!!

Utopian

حديث

أيتها اللعينة...ألا تكتفين؟
ألا تتوقفين؟
كفاني..كفاني و كفاك
كفاني ما أنا فيه من ضلال
و كفاك ما أنت فيه من سواد
ألا تعودين؟
ألا تنقي نفسك و ترجعين؟
حتي نعود الي ما سلفنا..
و نحيا قانعين
لقد اعياني الاجهاد و التعب
من كثرة ما تطلبين
لطالما بهرتيني بحلو الكلام
و نسق المعاني
وأنا كالمكبل أنسي
أنسي تاريخك الأسود
من الظنون و السراب اللعين
و أمضي حتي أعود خائبا
وقد ازدادت جراحي جرحا
و أملأ الدنيا أنين

معذرة...
لقد انطلقت في حديثي كالمجنون
لم أقدم لكم من لها أهجو
و من لي و لها تسمعون
فأنا لا أتحدث الي امرأتي!!
انما اتحدث لمن هي لي أقرب!!
أتحدث الي نفسي!!

يا نفس....حتي متي؟
حتي متي نمضي حائرين؟
يا نفس توبي
توبي و ارجعي حتي لا نحشر يوما مع القوم الضالين

Utopian

مصر...... ممكن لحظه

مصر...... ممكن لحظه
عايز اتكلم معاكى كلمتين
مش هعطلك هما كلمتين
بس ياريت المره دى تسمعينى
يمكن دى اخر مره تشوفينى
مستغربه؟! انا قلت اكيد فهمتى!!
شفتى؟! شكلك فهمتى
بالظبط .... خلاص
هسيبك
بجد مش هينفع نكمل سوا..... زهقت
ايه؟!من ايه؟!
اسف.... ضحكت... وسكت
مش عشان مش عارف ليه
لأ... ده عشان مش عارف أبدأ بايه
خلاص خلاص.... انا هقولك ليه
بس ياترى أبدأ بايه
اه
بصى يا ستى
زهقت من القناه الاولى والتانيه
والاهرام والاخبار والجمهوريه

زهقت من مسلسل سبعه ونص وحديث الروح
وطنطاوى ونشرة تسعه

زهقت من درجات المستوى الرفيع
والثانويه العامه وكليات القمه

زهقت من السواقه والحلاقه وشرا اللبس
وعمرو دياب واحمد السقا

زهقت من حرية الصحافه وحرية الراى
وحرية المواطن..... بس متفرحش أوى

زهقت من ارض الكنانه والحضاره والفراعنه
والسبع تلاف سنه

زهقت من تشجيع السياحه وشرم الشيخ والغردقه
والاجنبى بيجى يحط رجله فى وش أتخن تخين فينا

زهقت من 6 اكتوبر
وبدور وابناء الصمت والرصاصه مازالت فى جيبى

زهقت من عيد العمال
والسيد راشد وعاش الملك مات الملك

زهقت من مجلس الشعب
وسرور والشاذلى وعزمى.... ودايما موافق يا شعبى

زهقت من الوطنى وبابا مبارك و ماما سوزي
وجيمى و علاء.....عقبال حماده الصغير

زهقت من اشارة المرور والوقوف في الطابور
وعمر الاشارة مبتفتح و لا الطابور بيخلص

زهقت من الجواز و الجهاز و أنبوبة البوتاجاز
والكل قاعد مستني ابن الحلال..بس مش أي ابن حلال!!!

ايه بتعيطى؟!
أيوة بتعيطي
طب استني......لسة مخلصتش
لسه كمان حاجه واحده زهقت منها
تحبى تعرفيها؟!

زهقت من كل مره قلتلك فيها الكلمتين دول
واول ماشوفك بتعيطى
ارجع احن..... واترمى فى حضنك
خلاص...... مش هسيبك!!!!

Utopian

مصر ياما يا سفينة

مصر ياما يا سفينة
بس السفينة...بتغرق بينا
مع انها جامدة و متينة
لكن ولاد اللذينا
باعوا السفينة بينا
مصر ياما يا سفينة

كنا زمان بين السفن ماشيين
رافعين راسنا...مش خايفين
بس مكناش نعرف ان وسطينا ناس... نتنين
قاعدين فوق السفينة...متنحين
وحالفين انهم مش نازلين
لحد ما تغرق بينا
مصر ياما يا سفينة

يا ولاد اللذينا...
سيبونا نحاول نلحق السفينة
مش كفاية انتو مش عارفين
وكمان مكتفين ايدينا!!!
اه يا ولاد اللذينا
مصر ياما يا سفينة

يا ولاد اللذينا...
السفينة دي احنا كلنا فيها راكبين
ولو غرقت...هتغرق بيكم و بينا
ولو فاكرين لما تغرق...هتسيبوها و ماشيين
تبقوا مش فاهمين
ومش طايلين لا دنيا و لا دين
مش مصدقين؟
طب شوفوا اللي حصل في السفينة اللي جنبينا
مش فاكرين؟
ده مبقالوش يومين
اه ياولاد اللذينا
مصر ياما..... يا سفينة

Utopian

الصبر حرق الدكان ...فكرة مقتبسة

مرة زمان
واحد راح الدكان
عشان يشتري شوية " صبر"
أصل اللي عنده خلص من زمان
و الدكان كان فيه أخلاق ياما
أمانة ومروءة.. وشجاعة كمان
قال ياعم ياللي في الدكان
اديني بربع جنيه صبر قوام
بس الدكان كان ضلمه
فالراجل قاله استني
لما أولع شمعة
حط الشمعة جنب الشوال
بس الشمعة وقعت
و النار مسكت في الشوال
قاله ياعم الحق اديني شوية صبر
الراجل قال بعد ايه
الصبر خلاص راح
وحرق معاه كل الدكان!!!

حمقاء

أيتها المرأة الحمقاء
الحمق ليس تهمة
بل الحمق صفة
حمقاء هي من تتخلي عن رجل... يحبها
و من أجل ماذا؟؟
لا شيء
سحقا لك
قررت أن أترك تلك المثالية المفتعلة
فلم أعد أطيقها
لقد مللت
لطالما أمسكت لساني عن
صب لعناته عليك
و الدعاء عليك بالشقاء
لماذا؟!
لأنك حمقاء
بالله عليكي..لماذا فعلتي هذا؟
في لحظة واحدة...قلتي اسفه
بعد الأحلام و الأماني..قلتي اسفه
بعد الحب و النعيم.. قلتي اسفه
حسنا حسنا.. فلترحلي
أما أنا فلست اسفا
فأنا الحب يا حمقاء
أنا النعيم يا حمقاء
بيدك أنهيت أجمل أيام عمرك
و بيدك أعلنت بدء سنوات الشقاء
لا تدمعي
فانك حمقاء