الصبر حرق الدكان ...فكرة مقتبسة

مرة زمان
واحد راح الدكان
عشان يشتري شوية " صبر"
أصل اللي عنده خلص من زمان
و الدكان كان فيه أخلاق ياما
أمانة ومروءة.. وشجاعة كمان
قال ياعم ياللي في الدكان
اديني بربع جنيه صبر قوام
بس الدكان كان ضلمه
فالراجل قاله استني
لما أولع شمعة
حط الشمعة جنب الشوال
بس الشمعة وقعت
و النار مسكت في الشوال
قاله ياعم الحق اديني شوية صبر
الراجل قال بعد ايه
الصبر خلاص راح
وحرق معاه كل الدكان!!!