الوطن

بالأمس كنت أحلم بالكثير لهذا الوطن
ولنفسي
واليوم أصبحت علي يقين بأن الحلمين لا يلتقيان
علي أن أضحي بأحدهما
!!!
لا أدري حقا هل العلاقه بيني وبين مصر
هي علاقة حب أم تعود!؟
فأنا لم أطأ مترا واحدا خارج المليون متر مربع
المصريه طوال ال25 سنة الماضيه
!!
علي أن أختبر هذا الحب علي اية حال
كثير من الثوابت و المسلمات سقطت من أمامي
و أخري اهتزت خلال الثلاث سنوات السابقه
لا لا
بل بدأ السقوط قبل ذلك قليلا
فحتما لا أطيق سقوط واحدا اخر
بل أخشي ما أخشاه أن تؤول بنا الحياه
لحياة الأغيار و حياة قوم يوتوبيا المعدله*

نغالي كثيرا علي كل حال في الحديث عن الوطن
و كم نحبه
و كأننا "علي راسنا بطحه" و نعلم
انه لا يوجد سبب لذلك
ونحاول اثبات العكس
!!
أعتقد ان ما نعيشه الان
هو ما قد سماه الأديب اللبناني
حازم صاغيه
نرجسية الذات الجريحه
*********************
*صور الأديب أحمد خالد توفيق في روايته
"يوتوبيا"-وهي النسخه المعدله لرواية يوتوبيا لتوماس مور عام 1516
الحياه في مصر عام 2020
بصورة أدني من الحيوانيه حيث الأغيار الذين يعيشون
في أحياء مصر التقليديه الان
و الأثرياء الذين يعيشون في مدن معزوله
في تسلسل منطقي و مرعب لما يحدث الان
*********************
Utopian

حاجات فاكرها ... و وحشاني

زمان
كنت أول مادخل عشان أنام...بنام
و أقوم بدري قوي
أصلي و العب رياضه و أفطر
وأروح المدرسه بدري مووت
وبمزاجي.. وأنا مبسوط
اه و اللهي
**********************
زمان
كنت قريب قوي من ربنا
وكانت الدنيا كلها كوم
و الصلاه في الجامع كوم تاني
فاكر مره كنت انا و أصحابي
بنلاعب فريق الشارع اللي ورانا
والمتش حامي موت
بس العشا ادنت
وقفشت اني لازم اسيبهم
وأروح أصلي جماعه
مع انهم حلفوا اننا هنصلي كلنا مع بعض
بعد المتش
بس الغريب ان بعد مرور تقريبا
13 سنه علي الموقف ده
لسه فاكر اد ايه طعمه
كان جميل أوي
**********************
زمان
في حصة العلوم
و احنا بناخد درس
طبقة الاوزون
متتخيلوش زعلت قد ايه
لما عرفت ان الاوزون مخروم
و فضلت قلقان قوي علي الكره الارضيه
من الخرم
!!!
**********************
زمان
كنت مقتنع جدا
اني هموت شهيد
وانا بحرر القدس
**********************
زمان
كنت فرحان بالثوره و العبور
و السد العالي
مصر كانت أم الدنيا
وسينا رجعت كامله لينا
و كنت كل 6 أكتوبر
أشوف الرصاصه مازالت في جيبي
مع اني حفظته
بس كنت بتبسط قوي كل ما أشوفه
**********************
زمان
كان عندي قناعه تامه
ان بكره أحسن
!!!
**********************
مش قصدي كابه واللهي
بس بجد
دي حاجات فاكرها .. و وحشاني
و نفسي ترجع تاني
!!
و بجملة الكابه
علي سلامه قال ايه بقي؟!؟

هو احنا رحنا بجد مدارس
وخدنا في العربي و في الدين!؟
و كان فيه حصة رسم كمان
و كنا نحلم بالالوان
و صحاب قوي .. و قريبين!؟
لو حد يعرف بس يقول
هو احنا صح كده علي طول!؟
ولا احنا تهنا و مش داريين!؟
هو الطريق ده رايح جاي
ولا اللي راحو مش راجعين!؟
ولا اللي راحو مش راجعين!؟
**********************
Utopian