محتار

لما كنت صغير كنت محتار
أسرح شعري لورا
ولا أفرقه من النص!؟!
و بفلوس العيد
أشتري جزمة كوره
و تي شيرت المنتخب
ولا أحوشهم للعيد الكبير
و أشتري بندقيه رش؟!

لما كبرت شويه
كان كل همي في البنطلون
أجيبه دبل ستريت
ولا شرلستون!؟
و القميص بتاع امبارح
ينفع معاه بلو بلاك
ولا أجيبه رمادي
واشتريله قميص مخصوص!؟

ولما كبرت شويتين
برضه لسه محتار
هو أنا كده ابن ناس.. و لا لأ!؟
و البنت دي لابسه من غير هدوم..ولا لأ!؟
و لما أحب أشتري شقه..فلوسي هتكفي و لا لأ!؟
و لما أتجوز.. مرتبي هيكفيني ولا لأ!؟
طب أسافر و أهج من البلد.. ولا لأ!؟
و ياتري فاكرين ان ورانا قدس لازم يرجع
ولا لأ!؟!؟!؟!؟
***************
Utopian

نفايات أفكار

نظرية المؤامره
تنتابني بشده هذه الايام

أذكر الان هذه الحمقاء
و كيف تامرت علي..
أخشي ما أخشاه
أن نصف ما أقترفت من ذنوب في حياتي
هو من جراء سبابي لها
كلما تذكرتها
تبا..لقد سببتها الان أيضا
!!

أذكر أيضا هذا الأحمق
الذي طلب مشورتي
قبل أن يرتكب حماقته معي
!!

أذكر هؤلاء الحمقي
الذين زجوا بي في المقدمه
ثم هربوا جميعا
كي يراقبوني من بعيد
و هم يتساءلون
تري.. أيستطيع الصمود؟!؟

بالطبع من يعيش وسط هذا الكم
من الحمقي فانه يتمتع بالحمق الشديد
***************
Utopian

مش عارف أكتب عنوان